ରାଜକୋଟ,୧୫।୨: ରାଜକୋଟରେ ଇଂଲଣ୍ଡ ବିପକ୍ଷରେ ଖେଳାଯାଉଥିବା ତୃତୀୟ ଟେଷ୍ଟରେ ରବିନ୍ଦ୍ର ଜାଡେଜା ଟିମ ଇଣ୍ଡିଆ ପାଇଁ ସଙ୍କଟଗୋକ ସାଜିଛନ୍ତି। ଟସ ଜିତି ପ୍ରଥମେ ବ୍ୟାଟିଂ କରିବା ପରେ ଟିମ ଇଣ୍ଡିଆ ୩୩ ରନ ପାଇଁ ୩ଟି ଉଇକେଟ ହରାଇଥିଲା। କିନ୍ତୁ ରୋହିତ ଶର୍ମାଙ୍କ ସହ ରବିନ୍ଦ୍ର ଜାଡେଜା ଟିମ ଇଣ୍ଡିଆର ଇନିଂସ ସମ୍ଭାଳିଥିଲେ। ଚମତ୍କାର ବ୍ୟାଟିଂ କରି ରବିନ୍ଦ୍ର ଜାଡେଜା ଟେଷ୍ଟ କ୍ୟାରିୟର ୪ତମ ଶତକ ଘରୋଇ ଗ୍ରାଉଣ୍ଡରେ ଅର୍ଜନ କରିଥିଲେ। ରୋହିତ ରବୀନ୍ଦ୍ର ଜାଡେଜାଙ୍କ ସହ ଚତୁର୍ଥ ଉଇକେଟ ପାଇଁ ୨୦୪ ରନ ରେକର୍ଡ ଭାଗିଦାରୀ କରି ଭାରତକୁ ଏକ ଶକ୍ତିଶାଳୀ ସ୍ଥିତିରେ ରଖିଥିଲେ।
ଗତ କିଛି ବର୍ଷ ହେବ ଟେଷ୍ଟ କ୍ରିକେଟରେ ରବିନ୍ଦ୍ର ଜାଡେଜା ଭଲ ଫର୍ମରେ ଅଛନ୍ତି। ପ୍ରଥମ ଟେଷ୍ଟର ପ୍ରଥମ ଇନିଂସରେ ରବିନ୍ଦ୍ର ଜାଡେଜା ମଧ୍ୟ ୮୭ ରନର ଇନିଂସ ଖେଳିଥିଲେ। ଆହତ କାରଣରୁ ରବିନ୍ଦ୍ର ଜାଡେଜା ଦ୍ୱିତୀୟ ଟେଷ୍ଟରେ ଖେଳିପାରି ନ ଥିଲେ।
