ମୁମ୍ବାଇ,୧୩।୪: ଚଳିତ ଆଇପିଏଲ୍ରେ ଟ୍ରାକ୍କୁ ଫେରିଛି ଚେନ୍ନାଇ ସୁପର କିଙ୍ଗ୍ସ। ମଙ୍ଗଳବାର ଖେଳାଯାଇଥିବା ମ୍ୟାଚ୍ରେ ଦଳ ସିଜନର ପ୍ରଥମ ବିଜୟ ନିଜ ନାମରେ କରିଛି। ପ୍ରଥମେ ଉଲ୍ଲେଖନୀୟ ବ୍ୟାଟିଂ କରି ବଡ଼ ସ୍କୋର ଛିଡ଼ା କରିଥିଲା ସିଏସ୍କେ। ଏହାର ଜବାବରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ୧୯୩ ରନ୍ ସ୍କୋର କରିପାରିଥିଲା।
ସିଏସ୍କେ ସହ ଆର୍ସିବିର ଏହି ମ୍ୟାଚ୍ଟି ଅନେକ ଦୃଷ୍ଟିରୁ ବେଶ ରୋମାଞ୍ଚକର ଥିଲା। ଏକ ସମୟରେ ଆର୍ସିବି ଗୋଟିଏ ପରେ ଗୋଟିଏ ଉଇକେଟ ହରାଉଥିବା ବେଳେ ଦୀନେଶ କାର୍ତ୍ତିକ ଆକ୍ରମକ ବ୍ୟାଟିଂ କରିଥିଲେ। ସେତେବେଳେ ଆର୍ସିବିକୁ ୩୬ ବଲ୍ରେ ୮୬ ରନ୍ର ଆବଶ୍ୟକତା ରହିଥିଲା। କାର୍ତ୍ତିକ ୩ ବଲ୍ରେ ୬ ରନ୍ କରି ଖେଳୁଥିଲେ। ହେଲେ ଚାପରେ ଥାଇ ବି ସେ ଏଭଳି ବ୍ୟାଟିଂ କରିଥିଲେ ଯେ ଆର୍ସିବି ସହଜ ବିଜୟ ହାସଲ କରିବା ଭଳି ମନେ ହୋଇଥିଲା।
ଦ୍ରୁତ ବୋଲର୍ ମୁକେଶ ଚୌଧୁରୀଙ୍କ ଓଭରରେ ଦୁଇ ଛକା ଏବଂ ଗୋଟିଏ ଚୌକା ମାରି ୨୩ ରନ୍ କରିଥିଲେ କାର୍ତ୍ତିକ। ହେଲେ ପରବର୍ତ୍ତି ଓଭରରେ ରବିନ୍ଦ୍ର ଜାଡେଜା ଏକ ଜବରଦସ୍ତ କ୍ୟାଚ୍ ଧରିଥିଲେ। ବ୍ରାଭୋଙ୍କ ଓଭରର ଦ୍ୱିତୀୟ ବଲ୍ରେ କାର୍ତ୍ତିକଙ୍କ ଉଇକେଟ ଯାଇଥିଲା। ବାଉଣ୍ଡ୍ରି ନିକଟରେ ଜାଡେଜା ତାଙ୍କର କ୍ୟାଚ୍କୁ ଧରି ନେଇ ସେଲିବ୍ରେଶନ କରିଥିଲେ। ସେ ପଡ଼ିଆରେ କିଛି କ୍ଷଣ ଶୋଇଯାଇଥିଲେ। ଏହାର ଭିଡିଓ ଏବେ ବେଶ ଭାଇରାଲ ହେଉଛି।
The Jadeja catch celebration 👌👌
#CSKvRCB #CSK𓃬 pic.twitter.com/F1GFQqweAL
— Prafulla Dubey (@PRAPTIDUBEYRAJ) April 12, 2022
