ନୂଆଦିଲ୍ଲୀ,୨୫ା୩: ଦେଶର ପ୍ରମୁଖ ଫୁଟ୍ଓ୍ବେର ବ୍ରାଣ୍ଡ୍ ତଥା ଭିକେସି ଗ୍ରୁପ୍ର ପରିଚାଳନା ନିର୍ଦ୍ଦେଶକ ଭିକେସି ରଜାକ୍ଙ୍କୁ ନିକଟରେ ସମ୍ମାନଜନକ ‘ବିଜ୍ନେସ୍ ଲିଡର ଅଫ୍ ଏସିଆ ଆଓ୍ବାର୍ଡ’ପ୍ରଦାନ କରାଯାଇଛି। ବିଶେଷକରି ଏକ ଅଗ୍ରଣୀ ଆର୍ଥିକ ଦୈନିକ ଦ୍ୱାରା ଗଠିତ ଏସିଆ ପୁରସ୍କାରର ଅଧିକାଂଶ ପ୍ରତିଜ୍ଞାକାରୀ ବ୍ୟବସାୟ ନେତା ଏହି ପୁରସ୍କାର ରଜାକ୍ଙ୍କ ଦୂରଦୃଷ୍ଟିସମ୍ପନ୍ନ ନେତୃତ୍ୱ ଏବଂ ତାଙ୍କର ଉଲ୍ଲେଖନୀୟ ସଫଳତାକୁ ବିଚାରକୁ ନେଇ ଉକ୍ତ ସମ୍ମାନ ଦିଆଯାଇଥିବା ଜଣାପଡ଼ିଛି। ମୁମ୍ବାଇଠାରେ ଆୟୋଜିତ ବାର୍ଷିକ ଏସିଆନ ବିଜ୍ନେସ ଲିଡର୍ସ କନ୍କ୍ଲେଭ-୨୦୨୩ ଅବସରରେ ପ୍ରଖ୍ୟାତ ଚଳଚ୍ଚିତ୍ର ନିର୍ଦ୍ଦେଶକ ତଥା ନିର୍ମାତା ଆନନ୍ଦ ଏଲ୍ ରାୟଙ୍କଠାରୁ ଭିକେସି ରଜାକ୍ ଉପରୋକ୍ତ ସମ୍ମାନ ଗ୍ରହଣ କରିଥିଲେ। ଏ ସମ୍ପର୍କରେ ଭିକେସି ଗ୍ରୁପ୍ର ପରିଚାଳନା ନିର୍ଦ୍ଦେଶକ ଭିକେସି ରଜାକ୍ କହିଛନ୍ତି, ଏଭଳି ଏକ ସମ୍ମାନଜନକ ପୁରସ୍କାର ପାଇବାକୁ ମୁଁ ଯୋଗ୍ୟ ହୋଇଥିବାରୁ ଧନ୍ୟବାଦ ଜଣାଉଛି। ଏପରିକି ଭିକେସି ଗ୍ରୁପ୍ରେ କାର୍ଯ୍ୟରତ ଟିମ୍କୁ ଏହା ଉତ୍ସର୍ଗୀକୃତ। ବିଶେଷକରି ଯେଉଁମାନେ ସର୍ବଦା ଆମକୁ ପ୍ରୋତ୍ସାହିତ କରନ୍ତି। ସେହିଭଳି ଆମେ ଆମର ଗ୍ରାହକମାନଙ୍କୁ ଗୁଣାତ୍ମକ ଉତ୍ପାଦ ଏବଂ ସେବା ଯୋଗାଇବା ପାଇଁ ସର୍ବଦା ପ୍ରୟାସ କରିଆସିଛୁ। ଉଲ୍ଲେଖଯୋଗ୍ୟ, ୧୯୮୪ରେ ଭିକେସି ଗ୍ରୁପ୍ର ଆନୁଷ୍ଠାନିକ ଶୁଭାରମ୍ଭ କରାଯାଇଥିଲା। ଏପରିକି ଏକ କ୍ଷୁଦ୍ର ଉଦ୍ୟୋଗରୁ ଏହା ବୃଦ୍ଧି ପାଇଛି। ପିୟୁ ଫୁଟେ୍ୱର୍, ଇଭିଏ ଫୁଟେ୍ୱର୍, ପିଭିସି ଫୁଟେ୍ୱର୍, ହାୱାଇ ଚପଲ ଏବଂ ଆହୁରି ଅଧିକ ବ୍ରାଣ୍ଡ୍ ବଜାରକୁ ଛାଡ଼ିଛି।