ନୂଆଦିଲ୍ଲୀ,୫।୮: ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ)ଙ୍କ ମୂଲ୍ୟ ନିର୍ଦ୍ଧାରଣ କମିଟି ବୈଠକରେ ଆରବିଆଇ ରେପୋ ରେଟ୍କୁ ୦.୫୦ ପ୍ରତିଶତ ବୃଦ୍ଧି ଘୋଷଣା କରାଯାଇଛି। ଫଳରେ ରେପୋ ରେଟ୍ ୪.୯୦ ପ୍ରତିଶତରୁ ୫.୪୦ ପ୍ରତିଶତକୁ ବୃଦ୍ଧି ପାଇଛି। ଆରବିଆଇର ଏହି ନିଷ୍ପତ୍ତି ପରେ, ସରକାରୀ ଠାରୁ ବେସରକାରୀ ବ୍ୟାଙ୍କ ଏବଂ ହାଉସିଂ ଫାଇନାନ୍ସ କମ୍ପାନୀଗୁଡିକ ଘର ଋଣ ସୁଧ ହାର ବୃଦ୍ଧି କରିବେ। ଫଳରେ ପରେ ଗ୍ରାହକଙ୍କ ଇଏମ୍ଆଇ ମହଙ୍ଗା ହେବ। ଏହାପୂର୍ବରୁ, ମେ ୪ ଏବଂ ଜୁନ ୮, ୨୦୨୨ରେ, ଆରବିଆଇ ରେପୋ ରେଟ୍କୁ ମୋଟ ୯୦ ବେସିସ୍ ପଏଣ୍ଟକୁ ବୃଦ୍ଧି କରିଥିଲା। ଏହା ପରେ ହାଉସିଂ ଫାଇନାନ୍ସ କମ୍ପାନୀଗୁଡିକଠାରୁ ଆରମ୍ଭ କରି ବ୍ୟାଙ୍କଗୁଡିକ ଘର ଋଣ ଉପରେ ସୁଧ ହାରକୁ ୦.୯୦ ପ୍ରତିଶତରୁ ୧.୧୫ ପ୍ରତିଶତକୁ ବୃଦ୍ଧି କରିଥିଲେ। ଘର ଋଣ ଇଏମ୍ଆଇ ବର୍ତ୍ତମାନ ପୁଣି ଥରେ ମହଙ୍ଗା ହେବ।
