ସୋସିଆଲ ମିଡିଆରେ ଜଣେ ଯୁବତୀଙ୍କ ଭିଡିଓ ଏବେ ଖୁବ୍ ଭାଇରାଲ ହେଉଛି। ଚାକିରି ମିଳିଯିବା ପରେ ଯୁବତୀ ଜଣକ ଅଫିସ ବାହାରେ ଡ୍ୟାନ୍ସ କରୁଛନ୍ତି। ଯାହାକି ବାହାରେ ଲାଗିଥିବା ସିସିଟିଭିରେ କଏଦ ହୋଇଛି। ଇନ୍ଷ୍ଟାଗ୍ରାମରେ ଏହି ଭିଡିଓକୁ ଲୋକେ ଖୁବ୍ ପସନ୍ଦ କରିଛନ୍ତି। ଭିଡିଓଟିକୁ ଉକ୍ତ କମ୍ପାନୀର ପ୍ରତ୍ୟେକ କର୍ମଚାରୀ ଶେୟାର କରିଛନ୍ତି। ଯୁବତୀଙ୍କ ଡ୍ୟାନ୍ସ ଦେଖି ଆପଣ ମଧ୍ୟ ହସିଉଠିବେ।
ଭିଡିଓଟି dakara_spence ଦ୍ୱାରା ଶେୟାର କରାଯାଇଛି। ଏଥିରେ କ୍ୟାପ୍ଶନ ଲେଖାଯାଇଛି, ‘ମୁଁ ଏହି ଯୁବତୀଙ୍କୁ ଚାକିରି ଦେବା ପାଇଁ ନିଷ୍ପତ୍ତି ନେଇଛି। ଦେଖନ୍ତୁ ବାହାରକୁ ଯାଇ ତାଙ୍କର ପ୍ରତିକ୍ରିୟା।
ଯୁବତୀ ଜଣକ ପାର୍କିଂ ସ୍ଥାନକୁ ଯାଇ ଏପଟ ସେପଟ ଚାହିଁ ଡ୍ୟାନ୍ସ କରୁଛନ୍ତି। ସେ ଭାବୁଛନ୍ତି ତାଙ୍କୁ କେହି ଦେଖୁନାହାନ୍ତି। ମାତ୍ର ଅଫିସ ବାହାରେ ଲାଗିଥିବା ସିସିଟିଭିରେ ଏହା ରେକର୍ଡ ହୋଇଛି। ଲୋକମାନଙ୍କୁ ଯୁବତୀଙ୍କ ଏହି ଖୁସି ଡ୍ୟାନ୍ସ ବେଶ୍ ପସନ୍ଦ ଆସିଛି।
୩୦ ସେପ୍ଟେମ୍ବରରେ ଶେୟାର କରାଯାଇଥିବା ଏହି ଭିଡିଓକୁ ବର୍ତ୍ତମାନ ସୁଦ୍ଧା ୫ ମିଲିୟନରୁ ଅଧିକ ୟୁଜର ଦେଖିସାରିଲେଣି। ୫ ଲକ୍ଷରୁ ଅଧିକ କମେଣ୍ଟ ମଧ୍ୟ ମିଳିଛି। ଭିଡିଓରେ ଏହି ଯୁବତୀ ଜଣକ ମଧ୍ୟ କମେଣ୍ଟ ଦେଇଛନ୍ତି, ସେ ଲେଖିଛନ୍ତି ମୁଁ ଭାବୁଥିଲି ମୋତେ କେହି ଦେଖିନାହାନ୍ତି। ମାତ୍ର ମୁଁ ଭୁଲଥିଲି। ଧନ୍ୟବାଦ। ଜଣେ ୟୁଜର ଲେଖିଛନ୍ତି, ଯୁବତୀଙ୍କ ଖୁସି ଦେଖି ବହୁତ ମଜା ଆସୁଛି। ତାଙ୍କୁ ଦେଖି ମୋ’ର ବି ଡ୍ୟାନ୍ସ କରିବାକୁ ଇଚ୍ଛା ହେଉଛି। ଯୁବତୀଙ୍କୁ ବହୁତ ବହୁତ ଶୁଭେଚ୍ଛା।
