ଇସ୍ଲାମାବାଦ,୫।୧୨: ପାକିସ୍ତାନ ଉପରେ ଆକ୍ରମଣ ହେଲେ ସୈନ୍ୟବାହିନୀ ଶତ୍ରୁପକ୍ଷ ଉପରେ ପ୍ରତିଆକ୍ରମଣ କରିବ ବୋଲି ନୂଆ ସେନାଧ୍ୟକ୍ଷ ଅସିମ୍ ମୁନିର ପ୍ରକାଶ କରିଛନ୍ତି। ଏପରିକି ପାକିସ୍ତାନ ଉପରେ ଯୁଦ୍ଧ ଲଦିଦିଆଯାଏ, ତେବେ ପାକ୍ ସେନା ଏଥିପାଇଁ ସବୁବେଳେ ପ୍ରସ୍ତୁତ ରହିଥିବା ସେ କହିଛନ୍ତି। ନିୟନ୍ତ୍ରଣ ରେଖା(ଏଲ୍ଓସି) ଅନ୍ତର୍ଗତ ରଖଚିକ୍ରି ସେକ୍ଟର ଫ୍ରଣ୍ଟଲାଇନ ଅଞ୍ଚଳକୁ ଗସ୍ତରେ ଆସିଥିବା ଜେନେରାଲ ମୁନିର ଭାରତକୁ ଲକ୍ଷ୍ୟ କରି ଏଭଳି ମନ୍ତବ୍ୟ ଦେଇଛନ୍ତି। ଜନେରାଲ ମୁନିର ନଭେମ୍ବର ୩୦ରେ ପାକିସ୍ତାନର ନୂଆ ସେନା ମୁଖ୍ୟ ଭାବେ ଦାୟିତ୍ୱ ଗ୍ରହଣ କରିଥିଲେ। ଅନ୍ୟପକ୍ଷେ ସେନାଧ୍ୟକ୍ଷ ଅସିମ୍ଙ୍କ ଏଭଳି ମନ୍ତବ୍ୟକୁ ନେଇ ଚର୍ଚ୍ଚା ଜୋର ଧରିଛି।