ମହାକାଳପଡ଼ା,୨୬।୨(ଡି.ଏନ.ଏ.): ମୁଣ୍ଡଝାଳ ତୁଣ୍ଡରେ ମାରି ଶ୍ରମିକମାନେ ଗାଁ ରାସ୍ତାରେ ମାଟି କାମ କରିଥିଲେ ମଧ୍ୟ ୧ ମାସ ପରେ ବି ମଜୁରୀ ପାଇ ନାହାନ୍ତି। ଏଥିପାଇଁ ସେମାନଙ୍କ ପରିବାର ଆର୍ଥିକ ଅଟନଟ ମଧ୍ୟରେ ଦିନ କାଟୁଛନ୍ତି ା ଏ ସଂକ୍ରାନ୍ତରେ ବିଭାଗୀୟ ଅଧିକାରୀଙ୍କ ପାଖରେ ବାରମ୍ବାର ଗୁହାରୀ କଲେ ମଧ୍ୟ କୌଣସି ଲାଭ ହେଉନାହିଁ ବୋଲି ୫୫ ଜଣ ଶ୍ରମିକ ଅଭିଯୋଗ କରିଛନ୍ତି ା ଦାୟିତ୍ୱରେ ଥିବା କନିଷ୍ଠ ଯନ୍ତ୍ରୀଙ୍କ ଖାମଖିଆଲ ମନୋଭାବ ଯୋଗୁ ଏପରି ପରିସ୍ଥିତି ସୃଷ୍ଟି ହୋଇଛି ବୋଲି ଶ୍ରମିକମାନେ କହିଛନ୍ତି ା
ସୂଚନା ଅନୁଯାୟୀ, କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଖରିନାଶି ପଞ୍ଚାୟତର ଓଁକାର ମନ୍ଦିରଠାରୁ ନଦୀତଟ ବନ୍ଧ ବିଭାଗ ଘେରି ସେକେଣ୍ଡକ୍ରିକ୍ ପର୍ଯ୍ୟନ୍ତ ୫ କିମି ମାଟି ରାସ୍ତା ନିର୍ମାଣ ହୋଇଛି। ଏଥିପାଇଁ ୬ ଲକ୍ଷ ଟଙ୍କା ବ୍ୟୟ ଅଟକଳ କରାଯାଇଥିଲା ା ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା(ଏମ୍ଜିଏନ୍ଆରଜିଏସ୍)ରେ ଏହି ମାଟି ବନ୍ଧ କାମ ହୋଇଥିଲା। ନିର୍ମାଣ ଶେଷ ହୋଇ ଥିଲେ ମଧ୍ୟ ଶ୍ରମିକମାନେ ମଜୁରୀ ପାଇ ନାହାନ୍ତି ା ଖରିନାସୀ ଗାଁର ବହୁ ଶ୍ରମିକ ଦୁର୍ଦ୍ଦିନରେ ଅଛନ୍ତି। ସେମାନଙ୍କ ମଧ୍ୟରୁ ସପନ ମଣ୍ଡଳ, ଆରତୀ ଜେନା, ଦୀପକ ସରକାର, ଲକ୍ଷ୍ମଣ ଭୂୟାଁ, ପ୍ରଭାସ ବୀର, ସରସ୍ବତୀ ବୀର, ଅଶାଲତା ମାଇତି, ଶକ୍ତିପଦ ମଣ୍ଡଳ, ସରସ୍ବତୀ ମାଇତି, ପାର୍ବତୀ ମାଝି, କାଜଲ ମାଝି ପ୍ରମୁଖ ୫୫ଜଣ ୪ ସପ୍ତାହରୁ ଊର୍ଦ୍ଧ୍ୱ ଦିନ କାମ କରିଥିଲେ ା ଆଶା ଥିଲା ମଜୁରୀ ପାଇଲେ ପରିବାର ଚଳାଇବେ ା ହେଲେ ଇତିମଧ୍ୟରେ ୧ ମାସ ବିତିଥିଲେ ମଧ୍ୟ ସେମାନଙ୍କୁ ମଜୁରୀ ମିଳି ନାହିଁ ା ଏଥିପାଇଁ ସେହି ଶ୍ରମିକମାନେ ଦୁଃଖକଷ୍ଟରେ ଗାଁରେ ରହି ପରିବାର ଚଳାଇବା ସମ୍ଭବ ହେବ ନାହିଁ ବୋଲି ଚିନ୍ତା କରିଛନ୍ତି ା ବାଧ୍ୟ ହୋଇ ସେମାନେ ଦାଦନ ଖଟିବାକୁ ଯିବେ ବୋଲି କହିଛନ୍ତି । ବ୍ଲକ ପ୍ରଶାସନ ପକ୍ଷରୁ କାହିଁକି ଏହି ଶ୍ରମିକମାନଙ୍କୁ ମଜୁରୀ ମିଳୁନି ବୋଲି ବୁଦ୍ଧିଜୀବୀମାନେ ପ୍ରଶ୍ନ କରିଛନ୍ତି ା
ଏହି ଶ୍ରମିକମାନେ ଅଣ ସଙ୍ଗଠିତ। ସରକାରଙ୍କ ପଞ୍ଜୀକୃତ ତାଲିକାରେ ସେମାନଙ୍କ ନାମ ନାହିଁ ା ବୁଦ୍ଧିଜୀବୀ ସୁବାସ ସ୍ବାଇଁ କହିଛନ୍ତି, ଏହି ଅଞ୍ଚଳର ବହୁ ଶ୍ରମିକ ପରିବାର ଆର୍ଥିକ ସ୍ଥିତି ଦୁର୍ବଳା ସେଥିପାଇଁ ସେମାନେ ଗାଁ ଛାଡ଼ି ରାଜ୍ୟ ବାହାରକୁ ଯିବାକୁ ଯୋଜନା ପ୍ରସ୍ତୁତ କରିଛନ୍ତି ା ଗାଁରେ କାମ କଲେ ମଧ୍ୟ ଠିକ୍ ସମୟରେ ମଜୁରୀ ମିଳୁନାହିଁ। ଏହାକୁ ନେଇ ଶ୍ରମିକମାନେ କ୍ଷୋଭ ପ୍ରକାଶ କରିବା ସହିତ ଆଉ କାମ କରିବାକୁ ଇଚ୍ଛା ପ୍ରକାଶ କରୁନାହାନ୍ତି। ଏ ସମ୍ପର୍କରେ ପଞ୍ଚାୟତ ଦାୟିତ୍ୱରେ ଥିବା କନିଷ୍ଠ ଯନ୍ତ୍ରୀ ଗୋପାଳ ଚନ୍ଦ୍ର ଦାସ କହିଛନ୍ତି, ୨ମାସ ହେଲା ପେମେଣ୍ଟ ଆସିନାହିଁ। ବ୍ୟାଙ୍କରେ ଶ୍ରମିକମାନଙ୍କ ଆଧାର ଲିଙ୍କ ପରେ ପେମେଣ୍ଟ ଆସିବ ବୋଲି ସେ କହିଛନ୍ତି।