ଏକ ଭିନ୍ନ ଧରଣର ପ୍ରେମ କାହାଣୀକୁ ଆଧାର କରି ନିର୍ମିତ ହେବାକୁ ଯାଉଛି ନୂଆ ଓଡ଼ିଆ ଚଳଚ୍ଚିତ୍ର ‘ରିୟଲ ଲଭ୍ ଷ୍ଟୋରି’। ଶ୍ରୀ ବୀରବଲ ଏଣ୍ଟରଟେନମେଣ୍ଟ ବ୍ୟାନରରେ ଏବଂ ଏଲ.ଟି. ପ୍ରଡକ୍ସନ ସହଯୋଗିତାରେ ଏହାର ମହୁରତ ନିକଟରେ ଅନୁଷ୍ଠିତ ହୋଇଯାଇଛି। ନବାଗତ ରୋହନ ଗର୍ଗ ଏହାର ପ୍ରଯୋଜନା କରୁଛନ୍ତି। ଏହି ଫିଲ୍ମର ନିର୍ଦ୍ଦେଶନା ଦେଉଛନ୍ତି କୋରିଓଗ୍ରାଫର-କମ୍-ନିର୍ଦ୍ଦେଶକ ଯୋଡ଼ି ଲୁବୁନ୍-ଟୁବୁନ୍। ଗଣେଶରାମ ଅଗ୍ରଓ୍ବାଲଙ୍କ କାହାଣୀକୁ ଆଧାର କରି ସଂଳାପ ସହ ଗୀତ ରଚନା କରିଛନ୍ତି ଡ. ନିର୍ମଳ ନାୟକ। ସଂଯୋଜିତ ଗୀତଗୁଡ଼ିକୁ ସ୍ବର ଦେଇଛନ୍ତି ବୈଦନାଥ ଦାଶ। ଏହି ଫିଲ୍ମରେ ନୂଆ ଯୋଡ଼ି ରୋହନ୍-ତନୁଶ୍ରୀଙ୍କୁ ବ୍ରେକ୍ ଦେଉଛନ୍ତି ପ୍ରଯୋଜକ। ଅନ୍ୟପକ୍ଷରେ ଶ୍ରୀତମ ଦାସ, ପିଙ୍କି ପ୍ରଧାନ, ସରୋଜ ଦାସ, ଟନିଆ, ପ୍ରୀତିରାଜ, ପ୍ରଭାତୀ ସାହୁ, ବାବୁ ପ୍ରଧାନ ଏବଂ ଇଲୁ ବାନାର୍ଜୀ ପ୍ରମୁଖ କଳାକାର ଅଭିନୟ କରିବେ। ଚିତ୍ରର କ୍ରିଏଟିଭ ହେଡ୍ ଅଛନ୍ତି ପ୍ରଣୟ ଜେଠୀ।
