ମାଡ୍ରିଡ୍, ୨୯ା୭ (ଏପି)-କରୋନା ଭାଇରସ୍ ପାଇଁ ହୋଇଥିବା ଟେଷ୍ଟରେ ରିୟଲ ମାଡ୍ରିଡ୍ ଫରଓ୍ବାର୍ଡ ମାରିଆନୋଙ୍କ ଫଳାଫଳ ପଜିଟିଭ୍ ଆସିଛି। ଅଗଷ୍ଟ ୭ରେ ମାଞ୍ଚେଷ୍ଟର ସିଟି ବିପକ୍ଷ ଚାମ୍ପିୟନ୍ସ ଲିଗ୍ ମ୍ୟାଚ ପାଇଁ ଦଳ ଅଭ୍ୟାସ ପୂର୍ବରୁ ଏହି ଟେଷ୍ଟ ହୋଇଥିଲା। ପ୍ରି-କ୍ୱାର୍ଟର ସିରିଜର ପ୍ରଥମ ଲେଗ୍ରେ ରିୟଲ ମାଡ୍ରିଡ ନିଜ ହୋମ୍ ଗ୍ରାଉଣ୍ଡରେ ୨-୧ ଗୋଲରେ ପରାସ୍ତ ହୋଇଥିଲା। ମାରିଆନୋଙ୍କ ସ୍ବାସ୍ଥ୍ୟାବସ୍ଥା ଭଲ ଅଛି। ସେ ସ୍ବାସ୍ଥ୍ୟ ପ୍ରୋଟୋକଲ ପାଳନ କରୁଛନ୍ତି। ସ୍ପାନିଶ ଲିଗ୍ ଜିତିବା ପରେ ରିୟଲ ମାଡ୍ରିଡ୍ ଖେଳାଳିମାନେ ୧୦ ଦିନ ଛୁଟିରେ ଥିଲେ। ସୋମବାର ସମସ୍ତଙ୍କର କୋଭିଡ୍-୧୯ ଟେଷ୍ଟ ହୋଇଥିଲା।