ଗେମ୍‌ଚେଞ୍ଜର ବନିଗଲା ଉତ୍ତର ପ୍ରଦେଶ, କାହିଁକି ଖସିଲା ଭାଜପା?

ନୂଆଦିଲ୍ଲୀ,୫ା୬: ସାରା ଦେଶରେ ଲୋକ ସଭା ନିର୍ବାଚନ ଫଳାଫଳ ପ୍ରକାଶ ପାଇଛି। ଏନ୍‌ଡିଏ ୨୯୨ ଆସନରେ ଜିତିଥିବା ବେଳେ କଂଗ୍ରେସ ହାତକୁ ଆସିଛି ୨୩୪ ଆସନ। କିଛି ରାଜ୍ୟରେ ଏନ୍‌ଡିଏ ଭଲ ପ୍ରଦର୍ଶନ କରିଥିବା ବେଳେ ଆଉ କିଛି ଭାଜପା ଶାସିତ ରାଜ୍ୟରେ ସ୍ଥିତି ଖରାପ ରହିଛି। ଉତ୍ତର ପ୍ରଦେଶର ସମସ୍ତ ୮୦ ଆସନ ଜିତିବା ନେଇ ଦାବି କରୁଥିବା ଭାଜପା ମାତ୍ର ୩୩ ଆସନ ହାସଲ କରିପାରିଛି। ତେବେ ଏଠି ପ୍ରଶ୍ନ ଉଠୁଛି ଯେ, ୨୦୧୪ ଏବଂ ୨୦୧୯ ନିର୍ବାଚନରେ ମୋଦିଙ୍କୁ ପ୍ରଧାନମନ୍ତ୍ରୀ ପଦ ପର୍ଯ୍ୟନ୍ତ ପହଞ୍ଚାଇଥିବା ଏହି ରାଜ୍ୟ ଚଳିତ ନିର୍ବାଚନରେ କେମିତି ଏତେ କମ୍‌ ସିଟ୍‌ରେ ବିଜୟୀ ହେଲା? କେମିିତି ରାହୁଲ ଗାନ୍ଧୀ ଏବଂ ଅଖିଳେଶଙ୍କ ଯୋଡ଼ି ଭାଜପାର ଖେଳ ବିଗାଡ଼ିଲେ?
ଉତ୍ତର ପ୍ରଦେଶରେ ଭାଜପା ନେତୃତ଼୍ବାଧୀନ ଏନ୍‌ଡିଏ ୩୬ ସିଟ୍‌ ଏବଂ ସପା-କଂଗ୍ରେସ ମେଣ୍ଟ ୪୩ ସିଟ୍‌ ଜିତିଛି । ଅନ୍ୟପଟେ ବସପାକୁ ଏକା ନିର୍ବାଚନ ଲଢ଼ିବା ମହଙ୍ଗା ପଡ଼ିଛି। ଫଳରେ ୟୁପିରେ ଖତା ଖୋଲିପାରିନି ବସପା।
ସପା ମୁଖ୍ୟ ଅଖିଳେଶ୍‌ ଯାଦବ ଚଳିତ ନିର୍ବାଚନରେ ପଛୁଆ ବର୍ଗ, ଦଳିତ ଏବଂ ସଂଖ୍ୟାଲଘୁଙ୍କୁ ନିଜ ଭୋଟ ବ୍ୟାଙ୍କ ବନାଇ ଏତେ ସିଟ୍‌ ଜିତିଥିବା ଚର୍ଚ୍ଚା ହେଉଛି। ଏହି ଫର୍ମୁଲା ସହିତ ସମ଼୍ବିଧାନ ଏବଂ ଆରକ୍ଷଣକୁ ମୁଦ୍ଦା କରି ବିରୋଧୀ ଭାଜପାକୁ ଟାର୍ଗେଟ୍‌ କଲେ। ଯାହାର ପ୍ରଭାବ ନିର୍ବାଚନ ଫଳାଫଳ ବାହାରିବା ପରେ ଜଣାପଡ଼ିଥିଲା।

Share