ବର୍ଲିନ୍: ଜର୍ମାନର ଜଣେ ବ୍ୟକ୍ତି ରୁବିକ୍ସ କ୍ୟୁବ୍ ସଂଗ୍ରହ କରି ଗିନିଜ୍ ଓ୍ବାଲର୍ଡ ରେକର୍ଡ କରିଛନ୍ତି। ବାଭାରିଆର ୪୦ ବର୍ଷୀୟ ଫ୍ଲୋରିଆନ୍ କାଷ୍ଟେନ୍ମେରଙ୍କ ପସନ୍ଦ ରୋଟେଟିଂ ପଜଲ୍ ସଂଗ୍ରହ କରିବା ବିଶ୍ୱର ବିଭିନ୍ନ ସ୍ଥାନରୁ ପାଖାପାଖି ୧,୫୧୯ଟି ପଜଲ ସଂଗ୍ରହ କରିପାରିଛନ୍ତି କାଷ୍ଟେନ୍ମେର। ତାଙ୍କ ପାଖରେ ବର୍ଗାକାରଠାରୁ ଆରମ୍ଭ କରି ଘର ଏବଂ ଫଳ ଆକାରର ପଜଲ୍ ରହିଥିବା କୁହାଯାଉଛି। ପଜଲ୍ ପାଇଁ ସେ ଏକ ସ୍ବତନ୍ତ୍ର କୋଠରି ତିଆରି କରିଛନ୍ତି। ପଜଲ ରଖିବା ପାଇଁ ଏବେ ଘରେ ଜାଗା କମ୍ ପଡ଼ିବା କଥା ମଧ୍ୟ ସେ କହିଛନ୍ତି। ଏଥିସହ ଏ ପ୍ରକାର ଅସୁବିଧା ତାଙ୍କ ରୁଚିରେ କୌଣସି ପ୍ରକାର ବାଧା ସୃଷ୍ଟି କରିପାରିବ ନାହିଁ ବୋଲି କାଷ୍ଟେନ୍ମେର କହିଛନ୍ତି। ଗିନିଜ୍ ଓ୍ବାଲର୍ଡ ରେକର୍ଡରେ ନିଜ ନାମକୁ ସ୍ଥାନୀତ କରିବା ପରେ କାଷ୍ଟେନ୍ମେରଙ୍କ ପରିବାର ଓ ବନ୍ଧୁ ବର୍ଗ ତାଙ୍କୁ ଶୁଭେଚ୍ଛା ଜଣାଇଥିବାବେଳେ କାଷ୍ଟେନ୍ମେର ବେଶ୍ ଉତ୍ସାହିତ ଥିବା କହିଛନ୍ତି।