ଭୁବନେଶ୍ୱର,୧ା୮ (ଅନିଲ ଦାସ):ଗତ ଆର୍ଥିକ ବର୍ଷରେ କୋଇଲା ଉତ୍ପାଦନ ରେକର୍ଡ ଭାଙ୍ଗିଛି। ୨୦୨୨-୨୩ ଆର୍ଥିକ ବର୍ଷରେ ଦେଶରେ ସର୍ବାଧିକ ୮୯୩.୧୯ ନିୟୁତ ଟନ୍ କୋଇଲା ଉତ୍ପାଦନ ହୋଇଛି। ୨୦୨୧-୨୨ ଆର୍ଥିକ ବର୍ଷରେ ୭୭୮.୨୧ ନିୟୁତ ଟନ କୋଇଲା ଉତ୍ପାଦନ ହୋଇଥିଲା। ଓଡ଼ିଶା ସମତେ ୮ଟି ରାଜ୍ୟ ଆସାମ, ଛତିଶଗଡ, ଝାଡଖଣ୍ଡ, ମଧ୍ୟପ୍ରଦେଶ, ମହାରାଷ୍ଟ୍ର, ତେଲଙ୍ଗାନା, ଉତ୍ତରପ୍ରଦେଶ ଏବଂ ପଶ୍ଚିମବଙ୍ଗ ରାଜ୍ୟରୁ ଏ ସବୁ କୋଇଲା ଉତ୍ପାଦନ କରାଯାଇଛି। ତେବେ ଜମ୍ମୁକଶ୍ମୀରରୁ କୋଇଲା ଉତ୍ପାଦନ ହ୍ରାସ ପାଇଛି। ସୋମବାର ରାଜ୍ୟ ସଭାରେ ଏକ ଲିଖିତ ପ୍ରଶ୍ନର ଉତ୍ତରରେ କେନ୍ଦ୍ର କୋଇଲା, ଖଣି ଓ ସଂସଦୀୟ ବ୍ୟାପାର ମନ୍ତ୍ରୀ ପ୍ରହଲ୍ଲାଦ ଯୋଶୀ ଏହି ସୂଚନା ଦେଇଛନ୍ତି। ମନ୍ତ୍ରୀ କହିଛନ୍ତି ଯେ, ଦେଶରେ ଘରୋଇ ଉତ୍ପାଦନ ଓ ଯୋଗାଣ ପାଇଁ ଏହି ଉତ୍ପାଦନ କରାଯାଇଛି। କେନ୍ଦ୍ର ସରକାର ବାହାରୁ ଅନାବଶ୍ୟକ ଆମଦାନୀକୁ ବନ୍ଦ କରି ଘରୋଇ ଉତ୍ପାଦନ ବୃଦ୍ଧି ଉପରେ ଗୁରୁତ୍ୱ ଦେଉଛନ୍ତି। ଘରୋଇ ଉତ୍ପାଦନ ବୃଦ୍ଧି ଫଳରେ ଅନାବଶ୍ୟକ ଆମଦାନୀ ଊପରେ ନିର୍ଭରଶୀଳତା ହ୍ରାସପାଇବ ବୋଲି କେନ୍ଦ୍ରମନ୍ତ୍ରୀ କହିଛନ୍ତି।