ଦୁନିଆରେ ଅନେକ ସାହସୀ ଲୋକ ଅଛନ୍ତି, ଯେଉଁମାନେ ଏପରି କିଛି କାର୍ଯ୍ୟ କରନ୍ତି, ଯାହା ଆମେ ଚିନ୍ତା କରିବା ମଧ୍ୟ କଷ୍ଟକର। ଏମିତି ଅସମ୍ଭବ କାର୍ଯ୍ୟ କରି ଦେଖାଇଛନ୍ତି ଫ୍ରାନ୍ସର ଫ୍ରାଙ୍କୋସ୍-ମେରି। ୨୪ ଘଣ୍ଟାରେ ୭୬୫ ଥର ପାଣିକୁ ଡେଇଁ ସେ ବିଶ୍ୱ ରେକର୍ଡ ସୃଷ୍ଟି କରିଛନ୍ତି।
ସାଧାରଣତଃ ଦୁଃସାହସିକ କ୍ରୀଡ଼ା ତାଲିକାରେ ବଞ୍ଜି ଜମ୍ପିଂ ଓ୍ବାଲର୍ଡ ରେକର୍ଡର ନାମ ଶୁଣିଥିବେ, ଯେଉଁଥିରେ ଜଣେ ବ୍ୟକ୍ତି କିଛି ଯନ୍ତ୍ରପାତି ବ୍ୟବହାର କରି ଉଚ୍ଚତାରୁ ଡେଇଁପଡ଼ନ୍ତି। ଏଥିସହିତ ଇଲାଷ୍ଟିକ୍ ଦଉଡ଼ି ବ୍ୟବହାର କରିଥାନ୍ତି। ଯେଉଁମାନେ ଏପରି କରିଥାନ୍ତି ସେମାନଙ୍କ ମଧ୍ୟରେ ଦୃଢ଼ ମନୋବଳ ଏବଂ ସାହସ ରହିବା ଆବଶ୍ୟକ। ଯେଉଁ ସାହସ ଫ୍ରାଙ୍କୋସଙ୍କ ମଧ୍ୟରେ ଥିଲା। ଥରେ କିମ୍ବା ଦୁଇଥର ନୁହେଁ ଦିନକୁ ୭୬୫ ଥର ଡେଇଁଛନ୍ତି।
ସେ ସ୍କଟଲ୍ୟାଣ୍ଡର ପିଟଲୋଚରି ଗ୍ୟାରି ନଦୀରେ ବଞ୍ଜି ଜମ୍ପିଂ କରିଥିଲେ। ମଙ୍ଗଳବାର ସକାଳ ୧୦.୧୦ରେ ଜମ୍ପ୍ ଆରମ୍ଭ କରିଥିଲେ ଏବଂ ବୁଧବାର ଠିକ୍ ସେହି ସମୟରେ ଶେଷ ହୋଇଥିଲେ। ଏମିତି କରି ସେ ୨୦୧୭ରେ ନ୍ୟୁଜିଲ୍ୟାଣ୍ଡର ମାଇକ ହର୍ଡଙ୍କ ୪୩୦ଥର ବଞ୍ଜି ଜମ୍ପିଂ ରେକର୍ଡ ଭାଙ୍ଗିଥିଲେ।
ତାଙ୍କର ରେକର୍ଡ ପ୍ରୟାସ ଦେଖିବାକୁ ଗିନିଜ ଓ୍ବାଲର୍ଡ ରେକର୍ଡସ ଦଳ ମଧ୍ୟ ଉପସ୍ଥିତ ଥିଲେ। ଗତ ବର୍ଷ ମଧ୍ୟ୍ ଜଣେ ବ୍ୟକ୍ତି ରୁଷିଆରେ ସମାନ ବଞ୍ଜି ଜମ୍ପିଂ ଉଦ୍ୟମ କରିଥିଲେ। ସେ ଏକ ନିଛାଟିଆ ଗୋଦାମର ଛାତରୁ ପ୍ରାୟ ୫୦ଫୁଟ ଉଚ୍ଚରୁ ଡେଇଁପଡ଼ିଥିଲେ। ତାଙ୍କର ଏହି କଳା ପ୍ରଦର୍ଶନ କ୍ୟାମେରାରେ ରେକର୍ଡ ହୋଇ ଭାଇରାଲ ହୋଇଥିଲା। ଯଦିଓ ଏହା ଏକ ରେକର୍ଡ ପ୍ରୟାସ ନୁହେଁ, କିନ୍ତୁ ଫ୍ରାଙ୍କୋସଙ୍କ ଏହି ପ୍ରୟାସ କେବଳ ବିଶ୍ୱ ରେକର୍ଡ ପାଇଁ ଥିଲା, ଯାହା ସଫଳ ହୋଇଛି।