ନୂଆଦିଲ୍ଲୀ,୧୭।୭ : କଂଗ୍ରେସ ଏମ୍ପି ମହମ୍ମଦ ଜାଭେଦ ରବିବାର କହିଛନ୍ତି ଯେ ସଂସଦର ମୌସୁମୀ ଅଧିବେଶନରେ ସେ ଜଣେ ବ୍ୟକ୍ତିଗତ ସଦସ୍ୟଙ୍କ ବିଲ ଆଗତ କରିବାକୁ ଯୋଜନା କରିଛନ୍ତି। ଜଣେ ବ୍ୟକ୍ତିଙ୍କୁ ଭୁଲ ଜେଲ ଦଣ୍ଡାଦେଶ କ୍ଷତିପୂରଣ ଏବଂ ଭୁଲ ଏଜେନ୍ସି ବିରୋଧରେ ଦଣ୍ଡବିଧାନ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ ଯୋଜନା କରିଛନ୍ତି। ବିହାରର କିଶାନଗଞ୍ଜର ଲୋକସଭା ଏମ୍ପି ଜାଭେଦ କହିଛନ୍ତି ଯେ ଏଭଳି ଘଟଣାରେ ଉତ୍ତେଜନା ଏବଂ ଫ୍ୟାକ୍ଟ ଚେକର ମହମ୍ମଦ ଜୁବେରଙ୍କୁ ଟାର୍ଗେଟ କରିବା ଘଟଣା ନେଇ ସେ ଏହି ବିଲ ଆଣିବାକୁ ଚିନ୍ତା କରିଛନ୍ତି।
ଜାଭେଦ ନ୍ୟୁଜ ଏଜେନ୍ସି ପିଟିଆଇକୁ କହିଛନ୍ତି ଯେ ଅସଂଖ୍ୟ ମାମଲା ରହିଛି ଯେଉଁଥିରେ ଜଣେ ବ୍ୟକ୍ତଙ୍କୁ ପୋଲିସକୁ ଉଠାଇ ନେଇଛି। ପରେ ତାଙ୍କୁ ଜେଲରେ ରଖାଯାଉଛି। ଆଇନ ଶୃଙ୍ଖଳାକାରୀ ସଂସ୍ଥା ଦ୍ୱାରା ପରେ ଶେଷରେ ସେଭଳି ବ୍ୟକ୍ତି ଦୋଷ ମୁକ୍ତ ହେଉଛନ୍ତି। ଜାଭେଦ ଅଭିଯୋଗ କରିଛନ୍ତି ଯେ ଏହା ଦଶନ୍ଧି ଧରି ଘଟୁଛି କିନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାରଙ୍କ ଶାସନରେ ଏଭଳି ବୃଦ୍ଧି ପାଇଛି। ସେ କହିଛନ୍ତି, ଏହାକୁ ଦୃଷ୍ଟିରେ ରଖି ମୁଁ ଏକ ଘରୋଇ ସଦସ୍ୟ ବିଲ ଆଣିବାକୁ ନିଷ୍ପତ୍ତି ନେଇଛି। ଭୁଲ ଭାବେ କାରାଗାରରେ ଥିବା ବ୍ୟକ୍ତି ଏବଂ କ୍ଷତିଗ୍ରସ୍ତ ବ୍ୟକ୍ତିଙ୍କୁ ଉପଯୁକ୍ତ କ୍ଷତିପୂରଣ ମାମଲାରେ ସମ୍ପୃକ୍ତ ଅଧିକାରୀ କିମ୍ବା ସରକାରୀ ଏଜେନ୍ସି ବିରୋଧରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ। ଏହା ସହିତ ତାଙ୍କୁ ଉପଯୁକ୍ତ କ୍ଷତିପୂରଣ ସହିତ ସରକାରୀ ଚାକିରି ଦିଆଯିବା ମଧ୍ୟ ଆବଶ୍ୟକ।
ଜାଭେଦ କହିଛନ୍ତି ଯେ ଗିରଫ ଏବଂ ଅପରାଧରେ ଦୋଷୀ ସାବ୍ୟସ୍ତ ହେବା ଜୀବନ ଏବଂ ମୃତ୍ୟୁର ବିଷୟ। ଏହା କେବଳ ଜଡିତ ବ୍ୟକ୍ତିଙ୍କୁ ନୁହେଁ ବରଂ ସେମାନଙ୍କ ପରିବାର, ପଡ଼ୋଶୀ, ସମ୍ପ୍ରଦାୟ ଏବଂ ବନ୍ଧୁ ମଣ୍ଡଳିକୁ ମଧ୍ୟ ପ୍ରଭାବିତ କରିଥାଏ। ସେ କହିଛନ୍ତି ଯେ ଏହି ବିଧେୟକ ଏଭଳି ମାମଲାରେ ଲାଗୁ ହେଉ ଯେଉଁ ମାମଲାରେ ଲୋକଙ୍କୁ ଜେଲରେ ରଖାଯାଇଥିଲା ଏବଂ ପରେ କୌଣସି ଦୋଷ ସାବ୍ୟସ୍ତ ହେବା ବିନା ନିର୍ଦ୍ଦୋଷରେ ଖଲାସ କରାଯାଇଥିଲା।
ତାଙ୍କୁ ଏହି ବିଲ ଆଗତ କରିବାକୁ ଅନୁମତି ଦିଆଯିବ କି ବୋଲି ପଚରାଯାଇଥିବା ବେଳେ ଜାଭେଦ କହିଛନ୍ତି ଯେ ଏହି ପ୍ରସଙ୍ଗର ଗୁରୁତ୍ୱକୁ ବିଚାର କରି ଏକ ବ୍ୟକ୍ତିଗତ ସଦସ୍ୟଙ୍କ ବିଲ ଉପସ୍ଥାପନ କରିବା ପ୍ରତ୍ୟେକ ସଦସ୍ୟଙ୍କ ଅଧିକାର। ଏହି ବିଲରେ ପୀଡିତଙ୍କୁ କ୍ଷତିପୂରଣ, ସରକାରୀ ନିଯୁକ୍ତି ଏବଂ ସରକାରୀ ଏଜେନ୍ସି ଏବଂ ଅଧିକାରୀଙ୍କ ବିରୋଧରେ ଦଣ୍ଡବିଧାନ କରାଯିବ।
କଂଗ୍ରେସ ଏମ୍ପି କହିଛନ୍ତି, ଏପରି ଘଟଣା ଘଟେ ଯେଉଁଠାରେ ସରକାର ଅକ୍ଷମ, ତ୍ରୁଟି ଲୁଚାଇବା ପାଇଁ ଏଭଳି କାର୍ଯ୍ୟ କରାଯାଇଥାଏ। ଜାଭେଦ କିଛି ଦିନ ପୂର୍ବରୁ ଟୁଇଟରରେ ଏଭଳି ବିଲ ଆଣିବାକୁ ଇଚ୍ଛା ପ୍ରକାଶ କରିଥିଲେ। ତାଙ୍କୁ ଏନେଇ ଦୁଇ କଂଗ୍ରେସ ଏମ୍ପି ଶଶି ଥରୁର ଏବଂ କାର୍ତ୍ତି ଚିଦାମ୍ବରମଙ୍କ ପକ୍ଷରୁ ତୁରନ୍ତ ସମର୍ଥନ ମିଳିଥିଲା। ଜାଭେଦ ଦାବି କରିଛନ୍ତି ଯେ କେବଳ ସେହି ଦୁଇ ସଦସ୍ୟ ନୁହଁନ୍ତି ଅନ୍ୟ ଦଳର ସଦସ୍ୟମାନେ ମଧ୍ୟ ବ୍ୟକ୍ତିଗତ ଭାବେ ଏହି ପ୍ରସଙ୍ଗରେ ସମର୍ଥନ ଜଣାଇଛନ୍ତି। ସେ କହିଛନ୍ତି ଯେ ବୋଧହୁଏ ବିଭିନ୍ନ ବାଧ୍ୟତାମୂଳକ କାରଣରୁ ସମସ୍ତେ ସମର୍ଥନରେ ସ୍ପଷ୍ଟ ଭାବେ ବାହାରକୁ ଆସିପାରିବେ ନାହିଁ।