ଏକ ରକେଟ୍ରେ ୧୪ ମାସ ଧରି ମହାକାଶ ଭ୍ରମଣ କରିଥିବା ରେଡ୍ ଓ୍ବାଇନ ଏବେ ବିକ୍ରି ଅପେକ୍ଷାରେ। ‘ପେଟ୍ରସ ୨୦୦୦’ ନାମକ ରେଡ୍ ଓ୍ବାଇନର ୧୨ଟି ବୋତଲକୁ ୨୦୧୯ ନଭେମ୍ବରରେ ମହାକାଶ ପଠାଯାଇଥିଲା। ମହାକାଶରେ ରହିବା ଦ୍ୱାରା ଏହି ରେଡ୍ ଓ୍ବାଇନର ଟେଷ୍ଟ ବା ସ୍ବାଦରେ କ’ଣ ଫରକ ପଡ଼ୁଛି ଜାଣିବା ପାଇଁ ବିଶେଷଜ୍ଞମାନେ ଏଭଳି କରିଥିଲେ।
୧୪ ମାସ ଧରି ପୃଥିବୀ ଓ ବିଭିନ୍ନ ଅନ୍ତର୍ଜାତୀୟ ସ୍ପେସ୍ ଷ୍ଟେଶନ(ଆଇଏସ୍ଏସ୍)ର ପରିକ୍ରମା କରିବା ପରେ ଫେରିଥିଲା ଚଳିତ ବର୍ଷ ଜାନୁୟାରୀରେ। ୧୪ ମାସ ଧରି ମାଧ୍ୟାକର୍ଷଣ ଶକ୍ତିଠାରୁ ଦୂରରେ ରହିବା କାରଣରୁ ଏହି ରେଡ୍ ଓ୍ବାଇନର ବୟସ ଢେର ବଢ଼ିଯାଇଛି। ଏହାକୁ ପ୍ରାଇଭେଟ ଅକଶନ କମ୍ପାନୀ ଖ୍ରିଷ୍ଟିଜ ପକ୍ଷରୁ ନିଲାମ କରାଯିବ। ଏହି ଫ୍ରେଞ୍ଚ ରେଡ୍ ଓ୍ବାଇନର ଗୋଟିଏ ବୋତଲର ମୂଲ୍ୟ ୧ ନିୟୁତ ଡଲାର ଧାର୍ଯ୍ୟ କରାଯାଇଛି। ଏହାର ମୂଲ୍ୟ ଭାରତୀୟ ମୂଦ୍ରାରେ ୭ କୋଟି ୨୯ ଲକ୍ଷ ୧୦ ହଜାର ୫୦୦ ଟଙ୍କା। ଏହା ‘ପେଟ୍ରସ ୨୦୦୦’ ରେଡ୍ ଓ୍ବାଇନର ପ୍ରକୃତ ଦାମଠାରୁ ୧୬୬ ଗୁଣା ଅଧିକ।
