ନୂଆଦିଲ୍ଲୀ,୧୫।୧: ଦେଶର ପ୍ରମୁଖ ଉପଭୋକ୍ତା ଇଲେକ୍ଟ୍ରୋନିକ୍ସ ବ୍ରାଣ୍ଡ୍ ସାମ୍ସଙ୍ଗ୍ର ପ୍ରିମିୟମ ସାଇଡ୍-ବାଏ-ସାଇଡ୍ ରେଫ୍ରିଜରେଟ ରେଞ୍ଜର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏପରିକି ଏହି ନୂଆ ରେଞ୍ଜର ସମସ୍ତ ମଡେଲ ୱାଇଫାଇ ସକ୍ଷମ ଏବଂ ସାମ୍ସଙ୍ଗ୍ର ‘ପାୱାରିଂ ଡିଜିଟାଲ ଇଣ୍ଡିଆ’ ଲକ୍ଷ୍ୟକୁ ପୂରା କରିବା ପାଇଁ ସ୍ମାର୍ଟ ଥିଙ୍ଗ୍ସ ଆପ୍ ଫଙ୍କ୍ସନାଲିଟି ସହିତ ବ୍ୟବସ୍ଥିତ ହୋଇଛି। ବିଶେଷକରି ଏହା କଷ୍ଟମାଇଜ ହୋଇପାରୁଥିବା ଷ୍ଟୋରେଜ ସ୍ପେସ୍ ପାଇଁ କନ୍ଭର୍ଟିବଲ ୫-ଇନ୍-୧ ମୋଡ୍ ଠିକ୍ କୁଲିଂ ପାଇଁ ସାମ୍ସଙ୍ଗ୍ର ଟୁଇନ କୁଲିଂ ପ୍ଲସ୍ ଟେକ୍ନୋଲୋଜି ଏବଂ ଉପଭୋକ୍ତାଙ୍କୁ ଘରେ ଏକ ସୁସ୍ଥକର ଏବଂ ସ୍ବଚ୍ଛ ଉପାୟରେ ଦହି ପ୍ରସ୍ତୁତ କରିବାକୁ ଦେଉଥିବା କର୍ଡ ମାଏଷ୍ଟ୍ରୋ ସହ ବ୍ୟବସ୍ଥିତ ହୋଇଆସୁଛି। ସେହିଭଳି ୧,୧୩,୦୦୦ଟଙ୍କାରୁ ଊର୍ଦ୍ଧ୍ୱ ମୂଲ୍ୟର ଏହି ନୂଆ ରେଫ୍ରିଜରେଟରଗୁଡ଼ିକ ଚାରୋଟି ବେସ୍ପୋକ ଗ୍ଲାସ୍ ଫିନିସ ରଙ୍ଗ ବିକଳ୍ପ ଯଥା ଗ୍ଲାମ୍ ଡିପ୍ ଚର୍କୋଲ, କ୍ଲିନ୍ ହ୍ବାଇଟ, କ୍ଲିନ୍ ନେଭି ଏବଂ କ୍ଲିନ୍ ପିଙ୍କ୍ରେ ୬୫୩ ଲିଟରର ଦକ୍ଷତା ସହିତ ଆଜିଠାରୁ ସମସ୍ତ ପ୍ରମୁଖ ଅଫ୍ଲାଇନ ଏବଂ ଅନ୍ଲାଇନ ରିଟେଲରେ ଉପଲବ୍ଧ ହେଉଛି ା ଏ ସମ୍ପର୍କରେ ସାମ୍ସଙ୍ଗ୍ ଇଣ୍ଡିଆର ବରିଷ୍ଠ ଉପାଧ୍ୟକ୍ଷ (ଉପଭୋକ୍ତା ଇଲେକ୍ଟ୍ରୋନିକ୍ସ ବିଜ୍ନେସ) ମୋହନଦୀପ ସିଂ କହିଛନ୍ତି, ଆମର ନୂତନ ସାଇଡ୍-ବାଏ-ସାଇଡ୍ ରେଫ୍ରିଜରେଟର ଶୃଙ୍ଖଳକୁ ତିନୋଟି ପ୍ରମୁଖ ଭାରତୀୟ ଉପଭୋକ୍ତା ଆବଶ୍ୟକତା ଯଥା ଋତୁ କିମ୍ବା ଅବସର ଅନୁଯାୟୀ ଭିନ୍ନ ଭିନ୍ନ ରେଫ୍ରିଜରେଶନ ଆବଶ୍ୟକତା ପାଇଁ କଷ୍ଟମାଇଜେବଲ ଷ୍ଟୋରେଜ, ରୋଷେଇ ଘରର ସୌନ୍ଦଯର୍ୟକୁ ବଢ଼ାଉଥିବା ମନଲୋଭା ସୌନ୍ଦର୍ଯ୍ୟ ଏବଂ କନେକ୍ଟେଡ୍ ଲିଭିଂ ଜରିଆରେ ସୁବିଧାକୁ ପୂରା କରିବା ଲାଗି ଡିଜାଇନ କରାଯାଇଛି।