ଜାକର୍ତ୍ତା,୨୮।୧୨: ଇଣ୍ଡୋନେସିଆରେ ମ୍ୟନେମାରରୁ ଆସିଥିବା ରୋହିଙ୍ଗ୍ୟା ଶରଣାର୍ଥୀଙ୍କୁ ତୀବ୍ର ବିରୋଧ କରାଯାଉଛି। ଇଣ୍ଡୋନେସିଆ ବିଶ୍ୱବିଦ୍ୟାଳୟର ଛାତ୍ରୀଛାତ୍ରଙ୍କର ଭିଡ ବାନ୍ଦା ଆଚେ ସହରରେ ଥିବା ରୋହିଙ୍ଗ୍ୟା ଆଶ୍ରୟସ୍ଥଳୀ ଉପରେ ଆକ୍ରମଣ କରିଛନ୍ତି। ଏହି ଶରଣାର୍ଥୀମାନଙ୍କୁ ଦେଶରୁ ବିତାଡିତ କରିବାକୁ ସେମାନେ ଦାବି କରିଛନ୍ତି। ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଛାତ୍ରୀଛାତ୍ରମାନେ ସବୁଜ ଜ୍ୟାକେଟ ପିନ୍ଧି ଏକ କୋଠାର ବଡ଼ ତଳ ମହଲାରେ ଦୌଡୁଛନ୍ତି। ଏଠାରେ ଥିବା ରୋହିଙ୍ଗ୍ୟା ପୁରୁଷ, ମହିଳା ଏବଂ ଶିଶୁମାନେ ଭିଡ଼ ଭୟରେ କାନ୍ଦୁଥିବାର ଦେଖିବାକୁ ମିଳୁଛି। ଏହା ପରେ ରୋହିଙ୍ଗ୍ୟାମାନଙ୍କୁ ବାହାର କରିଦିଆଯାଉଥିବାର ଦେଖିବାକୁ ମିଳୁଛି।
ଶରଣାର୍ଥୀଙ୍କୁ ବାହାରକୁ ନେଇ ଟ୍ରକରେ ଚଢ଼ାଇ ଦିଆ ଯାଉଥିବାର ଭିଡିଓରେ ଦେଖିବାକୁ ମିଳୁଛି। କିଛି ବାସିନ୍ଦା ସେମାନଙ୍କ ସାମଗ୍ରୀକୁ ପ୍ଲାଷ୍ଟିକ ବ୍ୟାଗରେ ନେଇ ଯାଉଥିଲେ। ମିଳିତ ଜାତିସଂଘର ଶରଣାର୍ଥୀ ଏଜେନ୍ସି ଏକ ବିବୃତ୍ତିରେ କହିଛି ଆଶ୍ରୟସ୍ଥଳୀ ଉପରେ ଭିଡ ଆକ୍ରମଣକୁ ନେଇ ଆମେ ଚିନ୍ତିତ। ଉନ୍ନତ ସୁରକ୍ଷା ପାଇଁ ଏଜେନ୍ସି ଆହ୍ବାନ କରିଛି। ଏଜେନ୍ସି କହିଛି ଭିଡ ପୋଲିସ କର୍ଡନ ଭାଙ୍ଗି ୧୩୭ ଶରଣାର୍ଥୀଙ୍କୁ ଦୁଇଟି ଟ୍ରକରେ ଭର୍ତ୍ତି କରି ଅନ୍ୟ ଏକ ସ୍ଥାନକୁ ନେଇ ଯାଇଥିଲେ। ଏହି ଘଟଣା ଶରଣାର୍ଥୀଙ୍କୁ ଭୟଭୀତ କରିଛି।
ଇଣ୍ଡୋନେସିଆର ଏକ ସରକାରୀ ହଲରେ ପ୍ରାୟ ୧୩୭ ଶରଣାର୍ଥୀ ରହୁଥିଲେ। ଶରଣାର୍ଥୀଙ୍କୁ ସ୍ଥାନୀୟ ଇମିଗ୍ରେଶନ କାର୍ଯ୍ୟାଳୟକୁ ନିଆଯାଇ ପରେ ଦେଶରୁ ବିତାଡିତ କରାଯିବାକୁ ଛାତ୍ରୀଛାତ୍ରମାନେ ଦାବି କରିଛନ୍ତି। ବିକ୍ଷୋଭ ପ୍ରଦର୍ଶନ କରୁଥିବା ଛାତ୍ରୀଛାତ୍ରମାନେ ସେମାନଙ୍କୁ ତଡ଼ି ଦେବା ପାଇଁ ସ୍ଲୋଗାନ ଦେଉଥିଲେ। ଅନଲାଇନରେ ଭୁଲ ସୂଚନା ଏବଂ ଘୃଣା ଭାଷଣ ପରେ ଏହି ଘଟଣା ଘଟିଛି ବୋଲି ମିଳିତ ଜାତିସଂଘର ଶରଣାର୍ଥୀ ଏଜେନ୍ସି କହିଛି।
ପଶ୍ଚିମ ମ୍ୟାନମାରରେ ରହୁଥିବା ରୋହିଙ୍ଗ୍ୟା ମୁସଲମାନମାନେ ଭେଦଭାବ ଓ ଅତ୍ୟାଚାରର ସମ୍ମୁଖୀନ ହେଉଛନ୍ତି। ଏହି କାରଣରୁ ସେମାନେ ନିଜ ଦେଶ ଛାଡିବାକୁ ବାଧ୍ୟ ହେଉଛନ୍ତି। ରୋହିଙ୍ଗ୍ୟା ମୁସଲମାନମାନେ ଆଖପାଖ ଦେଶରେ ଆଶ୍ରୟ ନେଉଛନ୍ତି। ମୁସଲିମ ପ୍ରାଧାନ୍ୟ ପ୍ରାପ୍ତ ଇଣ୍ଡୋନେସିଆ ଏବଂ ମାଲେସିଆ ବ୍ୟତୀତ ରୋହିଙ୍ଗ୍ୟା ମୁସଲମାନ ଫିଲିପାଇନ୍ସ, ବାଂଲାଦେଶ ଏବଂ ଭାରତରେ ମଧ୍ୟ ବାସ କରୁଛନ୍ତି। ସେମାନେ ସମୁଦ୍ର ମାର୍ଗ ଦେଇ ଅନ୍ୟ ଦେଶରେ ପହଞ୍ଚୁଛନ୍ତି। ସମୁଦ୍ର ଶାନ୍ତ ଥିବାବେଳେ ଏପ୍ରିଲରୁ ନଭେମ୍ବର ପର୍ଯ୍ୟନ୍ତ ସେମାନେ ଡଙ୍ଗାରେ ଯାତ୍ରା କରିଥାନ୍ତି। ମିଳିତ ଜାତିସଂଘର ଶରଣାର୍ଥୀ ଏଜେନ୍ସି ତଥ୍ୟ ଅନୁଯାୟୀ, ନଭେମ୍ବର ଠାରୁ ୧,୫୦୦ ରୁ ଅଧିକ ରୋହିଙ୍ଗ୍ୟା ଇଣ୍ଡୋନେସିଆରେ ପହଞ୍ଚିଛନ୍ତି, ଯାହାକି ବର୍ଷକ ମଧ୍ୟରେ ସର୍ବାଧିକ ସଂଖ୍ୟା ଭାବରେ ପରିଗଣିତ ହୋଇଛି। ଇଣ୍ଡୋନେସିଆର ବର୍ତ୍ତମାନର ରାଷ୍ଟ୍ରପତି ଜୋକୋ ୱିଡୋଡୋ ରୋହିଙ୍ଗ୍ୟାଙ୍କ ସଂଖ୍ୟା ବୃଦ୍ଧି ପାଇଁ ମାନବ ଚୋରା ଚାଲାଣକୁ ଦାୟୀ କରିଛନ୍ତି।
Rohingya are grateful to Indonesia govt,and Indonesian , If the Indonesian wouldn't rescue them then the would be demolished in the sea.
But why suddenly Indonesian become angry with Rohingya, that made us worried. pic.twitter.com/LPWIbxqssm
— Rohingya Journalist (@Minshshs) December 27, 2023
