ବଲାଙ୍ଗୀର ଅଫିସ, ୨୪।୩: ରାଜ୍ୟର ସମସ୍ତ ଯୋଗ୍ୟ ଶିକ୍ଷା ସହାୟକଙ୍କୁ ନିୟମିତ କରିବା ପାଇଁ ଜିଲା ଶିକ୍ଷାଧିକାରୀ, ପ୍ରକଳ୍ପ ସଂଯୋଜକ ଓ ଜିଲାପାଳମାନଙ୍କୁ ନିର୍ଦ୍ଦେଶକ ପ୍ରାଥମିକ ଶିକ୍ଷା ପ୍ରାଧିକରଣଙ୍କ ତରଫରୁ ନିର୍ଦ୍ଦେଶନାମାବଳୀ ଆସିଛି । ଏ ନେଇ ଜିଲା ଅଧିକାରୀ ଓ ପ୍ରକଳ୍ପ ସଯୋଜକଙ୍କୁ ବାରମ୍ବାର ଶିକ୍ଷା ସହାୟକମାନେ ଅନୁରୋଧ କଲାପରେ ମଧ୍ୟ କୌଣସି ପଦକ୍ଷେପ ଗ୍ରହଣ ନ କରିବାରୁ ବୁଧବାର ବଲାଙ୍ଗୀର ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯାଇଛି। ରାଜ୍ୟ ସରକାରଙ୍କ ନିର୍ଦ୍ଦେଶକୁ ଡିପିସି ପାଳନ କରିବାକୁ ଦାବି କରାଯାଇଛି। ବର୍ଷ ୨୦୧୪ରେ ନିୟୋଜିତ ଶିକ୍ଷା ସହାୟକଙ୍କୁ ନିୟମିତ ନ କରିବା ପର୍ଯ୍ୟନ୍ତ ଧାରଣାରେ ବସି ରହିବେ ବୋଲି ଜଲା ଶିକ୍ଷା ସହାୟକ ସଂଘ ତରଫରୁ କୁହାଯାଇଛି ।
