ନୂଆଦିଲ୍ଲୀ,୨୫।୬: କୋଭିଡ୍-୧୦ ସଂକ୍ରମଣ ଜନିତ ସମସ୍ୟା ସାଙ୍ଗକୁ କରୋନା କଟକଣା ପାଇଁ ଅଗଷ୍ଟ ୧୨ ପର୍ଯ୍ୟନ୍ତ ସମସ୍ତ ରେଗୁଲାର ଟ୍ରେନ ଚଳାଚଳ ବନ୍ଦ ରହିବ। ଏହି ଟ୍ରେନଗୁଡିକର ଟାଇମ ଟେବୁଲକୁ ପରିବର୍ତ୍ତନ କରାଯିବା ସହ ପାସେଞ୍ଜର, ଏକ୍ସପ୍ରେସ ଏବଂ ଯାତ୍ରୀବାହୀ ଓ ସହରତଳି ଟ୍ରେନ୍ ସେବାକୁ ବନ୍ଦ ରଖିବା ପାଇଁ ଗୁରୁବାର ରେଲଓ୍ବେ ବୋର୍ଡ ସୂଚନା ଦେଇଛି। ପରିସ୍ଥିତିର ଗଭୀରତାକୁ ନଜରରେ ରଖି ବୋର୍ଡ ଏହି ନିଷ୍ପତ୍ତି ନେଇଥିବା କହିଛି। ସେହିପରି ଜୁଲାଇ ୧ ରୁ ଅଗଷ୍ଟ ୧୨ ପର୍ଯ୍ୟନ୍ତ ବୁକିଙ୍ଗ ହୋଇଥିବା ଏହି ସବୁ ଟ୍ରେନର ଅଗ୍ରିମ ଟିକେଟକୁ ବୋର୍ଡ ରଦ୍ଦ କରିବା ସହ ସେବା ବନ୍ଦ କରିବା ପାଇଁ ବୋର୍ଡ ପକ୍ଷରୁ କୁହାଯାଇଛି। ସ୍ବତନ୍ତ୍ର ଟ୍ରେନଗୁଡିକ ପୂର୍ବଭଳି ଚଳପ୍ରଚଳ କରିବ ବୋଲି ରେଲଓ୍ବେ ସୂଚନା ଦେଇଛି।