ଚର୍ଚ୍ଚାରେ ଲେଡି ଡନ୍ ରେଖା ମୀନା। ମିଡିଆଠାରୁ ଆରମ୍ଭ କରି ସୋସିଆଲ ମିଡିଆ ସବୁଆଡେ ତାଙ୍କୁ ନେଇ ଖବର ପ୍ରକାଶ ପାଉଛି। ତାଙ୍କ ବିଷୟରେ ଜାଣିବା ପାଇଁ ସୋସିଆଲ ପ୍ଲାଟଫର୍ମରେ ବହୁତ ଖୋଜାଯାଉଛି। ତେବେ ରେଖା ହେଉଛନ୍ତି ରାଜସ୍ଥାନର କରୌଲୀରେ ରହୁଥିବା ୧୯ ବର୍ଷୀୟ ଯୁବତୀ। ସେ ସର୍ବସାଧାରଣରେ ବିରୋଧୀଙ୍କୁ ଖୋଲାଖୋଲି ଭାବେ ଗାଳି ଦେବା ସହ ଧମକ ଦିଅନ୍ତି। ଏହାର ଭିଡିଓ ଆଧାରରେ ଏବେ କୁର୍ଗାଓଁର ପୋଲିସ ତାଙ୍କୁ ଗିରଫ କରିଥିବା ଜଣାପଡ଼ିଛି।
ରେଖାଙ୍କ ଘରେ କରୌଲି ଜିଲାର ନାଗଲ ଲାଟ ଗାଁରେ। ତାଙ୍କ ମା’ଙ୍କ ଦେହାନ୍ତ ହୋଇଥିବା ବେଳେ ପିତା ଜଣେ ଦିନ ମଜୁରିଆ। ହେଲେ ରେଖା ଦୁଇଥର ଜେଲ୍ରୁ ଫେରିଲେଣି। ସେ ପ୍ରଥମେ ପ୍ରେମ ଜାଲରେ ଫସାଇ ଜଣଙ୍କୁ ଆଉଜଣଙ୍କ ହାତରେ ହତ୍ୟା କରିଦେଇଛନ୍ତି। ଏପରିକି ସେ ନିଜକୁ ଲେଡି ଡନ୍ ବୋଲି ପ୍ରମାଣିତ କରିବାକୁ ଅନେକ କିଛି କରିଥାନ୍ତି। ସୋସିଆଲ ମିଡିଆରେ କୁଖ୍ୟାତ ଅପରାଧୀମାନଙ୍କୁ ଗାଳି ଦେଇ ରଗାଇବାକୁ ଚେଷ୍ଟା କରିଥାନ୍ତି। ଏହାର ଅନେକ ଭିଡିଓ ତାଙ୍କ ପୃଷ୍ଠାରେ ରହିଛି।
ଖୁବ୍ କମ୍ ବୟସରେ ତ୍ରୀକୋଣୀୟ ପ୍ରେମ କାହାଣୀକୁ ନେଇ ଚର୍ଚ୍ଚାରେ ଥିଲେ ସେ। ତାଙ୍କ ପ୍ରେମରେ ପଡ଼ି ଜଣେ ଗ୍ୟାଙ୍ଗଷ୍ଟରଙ୍କୁ ଜୀବନ ହରାଇବାକୁ ପଡ଼ିଛି। ଦିନ ଥିଲା ଗ୍ୟାଙ୍ଗଷ୍ଟର ଅନୁରାଜ ମୀନା ଏବଂ ପପୁ ମୀନା ଭଲ ବନ୍ଧୁ ଥିଲେ। ହେଲେ ରେଖାଙ୍କ ପ୍ରେମରେ ପଡ଼ିବା ପରେ ଉଭୟ ପରସ୍ପର ଶତ୍ରୁ ପାଲଟିଥିଲେ। ରେଖା ଅନୁରାଜଙ୍କୁ ପପୁଙ୍କ ବିରୋଧରେ ଏଭଳି କଥା କହିଥିଲେ ଯେ ଉଭୟଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା। ଶେଷରେ ଅନୁରା ପପୁଙ୍କ ଘରେ ପହଞ୍ଚି ତାଙ୍କୁ ଗୁଳି କରି ହତ୍ୟା କରିଥିଲେ।
ବର୍ତ୍ତମାନ ରେଖା ଭରତପୁର ମହିଳା ଜେଲରେ ଅଛନ୍ତି। ତାଙ୍କର ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
