ଏସ୍ ଏସ୍ ରାଜାମୌଲିଙ୍କ ନିର୍ଦ୍ଦେଶିତ ଫିଲ୍ମ‘ଆର୍ଆର୍ଆର୍’ ବକ୍ସ ଅଫିସରେ ସମସ୍ତ ରେକର୍ଡ ଭାଙ୍ଗି ୧୧୦୦ କୋଟିରୁ ଅଧିକ ଆୟ କରିଛି। ତେବେ ଏହାର ଅରିଜିନାଲ ଅନ୍କଟ ଭର୍ସନ ଜୁନ୍ ୧ ରେ ଆମେରିକାର ୧୦୦ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି। ଫିଲ୍ମଟି ମାର୍ଚ୍ଚ ୨୫ରେ ମୁକ୍ତିଲାଭ କରିଥିଲା। ଫିଲ୍ମରେ ସାଉଥ୍ ଷ୍ଟାର ଜୁନିୟର ଏନ୍ଟିଆର ଏବଂ ରାମଚରଣ ମୁଖ୍ୟ ଭୂମିକାରେ ନଜର ଆସିଥିଲେ। ଦୁହିଁଙ୍କର କେମେଷ୍ଟ୍ରିକୁ ଦର୍ଶକ ଖୁବ୍ ପସନ୍ଦ ମଧ୍ୟ କରିଛନ୍ତି। ଫିଲ୍ମଟି ତେଲୁଗୁ ସମେତ ତାମିଲ, ମାଲାୟାଲମ, ହିନ୍ଦୀ ଭାଷାରେ ରିଲିଜ୍ ହୋଇଥିଲା। ଜୁନିୟର ଏନ୍ଟିଆର ଏବଂ ରାମଚରଣ ବ୍ୟତିତ ଅଜୟ ଦେବଗନ, ଆଲିଆ ଭଟ୍ଟ, ଶ୍ରୀୟା ସରନ ଆଦି ପ୍ରମୁଖ ଭୁମିକାରେ ନଜର ଆସିଥିଲେ।
