ମୁମ୍ବାଇ: ଶାହାରୁଖ ଏବଂ କାଜଲଙ୍କ ଅଭିନୀତ ଆଇକନିକ ଫିଲ୍ମ‘ ଦିଲ୍ଓ୍ବାଲେ ଦୁଲହାନିଆ ଲେ ଜାୟେଙ୍ଗ’ ଇତିମଧ୍ୟରେ ୨୫ ବର୍ଷ ପୂରଣ କରିଛି। ଏହି ଫିଲ୍ମଟି ବେଶ୍ କିଛିଦିନ ଧରି ହେଡ୍ଲାଇନ୍ରେ ରହିଆସିଛି। ଆଜି ବି ଏହି ଫିଲ୍ମର ଚାହିଦା ରହିଛି। ଫଳସ୍ବରୂପ ୧୮ଟି ଦେଶରେ ପୁଣିଥରେ ଏହା ରିଲିଜ ହେବାକୁ ଯାଉଛି।
ଫିଲ୍ମ ସମାଲୋଚକ ତରଣ ଆଦର୍ଶ କହିଛନ୍ତି ଯେ, ଶାହାରୁଖ-କାଜଲଙ୍କ ଏହି ବ୍ଲକବଷ୍ଟର ଫିଲ୍ମ ୧୮ଟି ଦେଶରେ ମୁକ୍ତିଲାଭ କରିବାକୁ ପ୍ରସ୍ତୁତ। ଆମେରିକା, ବ୍ରିଟେନ, ୟୁଏଇ, ସାଉଦି ଆରବ, କାତାର, ମରିସସ, ଦକ୍ଷିଣ ଆଫ୍ରିକା, ନ୍ୟୁଜିଲ୍ୟାଣ୍ଡ, ଫିଜି, ଜର୍ମାନୀ, ନରଓ୍ବେ, ସ୍ବିଡେନ, ସ୍ପେନ, ସୁଇଜରଲ୍ୟାଣ୍ଡ, ଇଷ୍ଟୋନିଆ ଏବଂ ଫିନ୍ଲ୍ୟାଣ୍ଡ ଆଦି ଦେଶରେ ରିଲିଜ ହେବ। ଏଥରୁ ବୁଝାପଡୁଛି ‘ଦିଲୱାଲେ ଦୁଲହାନିଆ ଲେ ଜାୟେଙ୍ଗେ’ ଫିଲ୍ମର କ୍ରେଜ କେବଳ ଭାରତରେ ସୀମିତ ନୁହେଁ, ଏହି ଫିଲ୍ମଟି ସାରା ବିଶ୍ୱାବାସୀଙ୍କ ହୃଦୟକୁ ଛୁଇଁଛି। ଫିଲ୍ମଟି ପ୍ରକୃତ ପ୍ରେମର ଅର୍ଥ କ’ଣ ସୂଚାଇଛି।
ଉଲ୍ଲେଖଥାଉ କି, ଏହି ଫିଲ୍ମଟି ୨୫ବର୍ଷ ପୂରଣ କରିଥିବାରୁ ଶାହାରୁଖ ଏବଂ କାଜଲଙ୍କୁ ଏକ ବିଶେଷ ସମ୍ମାନ ଦିଆଯିବ। ପ୍ରଥମ ଥର ପାଇଁ ବଲିଉଡ୍ର ଏହି ଆଇକନ ଫିଲ୍ମ ଲଣ୍ଡନର ଲିସେଷ୍ଟର୍ ସ୍କୋୟାରରେ ସମ୍ମାନିତ ହେବାକୁ ଯାଉଛି। କୁହାଯାଉଛି, ଉଭୟ ଶାହାରୁଖ ଏବଂ କାଜଲଙ୍କ ଏକ ସୁନ୍ଦର ପ୍ରତିମୂର୍ତ୍ତି ସ୍ଥାପନ କରାଯିବ।
୍ଫିଲ୍ମରେ ଆଦିତ୍ୟ ଚୋପ୍ରା ନିର୍ଦ୍ଦେଶନା ଦେଇଥିବା ବେଳେ ଶାହାରୁଖ-କାଜଲଙ୍କ ବ୍ୟତୀତ ଏଥିରେ ଅନୁପମ ଖେର, ଅମରେଶ ପୁରୀ, ଫରିଦା ଜଲାଲ, ସତୀଶ ଶାହାଙ୍କ ଭଳି ଶ୍ରେଷ୍ଠ ଅଭିନେତା ଅଭିନୟ କରିଥିଲେ।