କିଭ୍/ମସ୍କୋ, ୨୩ା୯: ୟୁକ୍ରେନ୍ରେ ବଡ଼ ଧରଣର ଆକ୍ରମଣ ପାଇଁ ରୁଷିଆ ରଣନୀତି ପ୍ରସ୍ତୁତ କରୁଥିବାବେଳେ ଉଭୟ ଦେଶ ଅପ୍ରତ୍ୟାଶିତ ଭାବେ ଦୁଇପଟୁ ୩୦୦ ଯୁଦ୍ଧ ବନ୍ଦୀଙ୍କୁ ମୁକୁଳାଇଛନ୍ତି। ଫେବୃୟାରୀ ୨୪ରେ ମସ୍କୋର କିଭ ଆକ୍ରମଣ ପରଠାରୁ ଏହା ବଡ଼ଧରଣର ଅଦଳବଦଳ। ସେମାନଙ୍କ ମଧ୍ୟରେ ବ୍ରିଟେନ, ଆମେରିକା, ମରକ୍କୋର ବନ୍ଦୀ ମଧ୍ୟ ରହିଛନ୍ତି, ଯେଉଁମାନଙ୍କୁ ୟୁକ୍ରେନରୁ ଗିରଫ କରିବା ପରେ ରୁଷିଆରେ ମୃତ୍ୟୁ ଦଣ୍ଡାଦେଶ ମିଳିଥିଲା। ରୁଷିଆରୁ ମୁକୁଳିଥିବା ବନ୍ଦୀଙ୍କ ମଧ୍ୟରୁ ୨୧୫ ୟୁକ୍ରେନୀୟ ରହିଛନ୍ତି। ସେହିପରି ୟୁକ୍ରେନ୍ ୫୫ ଜଣଙ୍କୁ ରୁଷିଆକୁ ପଠାଇଛି। ତୁର୍କୀ ଏବଂ ସାଉଦି ଆରବ ସହଯୋଗରେ ଏହି ଅଦଳବଦଳ କରାଯାଇଛି।