ମୁମ୍ବାଇ,୧।୧: ଦେଶର ପ୍ରମୁଖ ବାଣିଜି୍ୟକ ସଂସ୍ଥା ତଥା ରିଲାଏନ୍ସ ଇଣ୍ଡଷ୍ଟ୍ରି ଲିମିଟେଡ୍ (ଆର୍ଆଇଏଲ୍)ର ସହଯୋଗୀ କମ୍ପାନୀ ରିଲାଏନ୍ସ କଞ୍ଜ୍ୟୁମର ପ୍ରଡକ୍ଟସ୍ ଲିମିଟେଡ୍ (ଆର୍ସିପିଏଲ୍) ନିକଟରେ ଲୋଟସ୍ ଚକୋଲେଟ୍ କମ୍ପାନୀ ଲିମିଟେଡ୍ (ଏ୍ଲସିସିଏଲ୍)ର ୫୧% ଅଂଶଧନ ଅଧିଗ୍ରହଣ କରିଥିବା ଜଣାପଡ଼ିଛି। ବିଶେଷ କରି ଆର୍ଆଇଏଲ୍ର ଏଫ୍ଏମ୍ସିଜି ୟୁନିଟ୍ ରିଲାଏନ୍ସ ରିଟେଲ ଭେଞ୍ଚର୍ସ ଲିମିଟେଡ୍ (ଆର୍ଆର୍ଭିଏଲ୍)ର ସମ୍ପୂର୍ଣ୍ଣ ସହଯୋଗୀ ସଂସ୍ଥା ଆର୍ସିପିଏଲ୍ ପକ୍ଷରୁ ଏଲ୍ସିସିଏଲ୍ର ୫୧% ଅଂଶଧନକୁ ଅଧିଗ୍ରହଣ କରାଯାଇଛି। ଏହି ପରିପ୍ରେକ୍ଷୀରେ ଉଭୟ ପକ୍ଷର ବରିଷ୍ଠ ଅଧିକାରୀଙ୍କ ସମେତ ଏଲ୍ସିସିଏଲ୍ର ପ୍ରତିଷ୍ଠାତା ସଦସ୍ୟ ପ୍ରକାଶ ପି.ପାଇ, ଅନନ୍ତ ପି. ପାଇଙ୍କ ଉପସ୍ଥିତିରେ ଉଭୟ କମ୍ପାନୀଙ୍କ ମଧ୍ୟରେ ଏକ ବୁଝାମଣାପତ୍ର (ଏମ୍ଓୟୁ) ସ୍ବାକ୍ଷରିତ ହୋଇଯାଇଛି।
ସମ୍ପର୍କରେ ଆର୍ଆର୍ଭିଏଲ୍ର କାର୍ଯ୍ୟନିର୍ବାହୀ ନିର୍ଦ୍ଦେଶିକା ଈଶା ଅମ୍ବାନୀ କହିଛନ୍ତି, ଚମତ୍କାର ବ୍ୟବସାୟ ବୁଦ୍ଧିମତ୍ତା ଏବଂ ନିଷ୍ଠା ଜରିଆରେ ଏକ ଦୃଢ଼ କୋକୋଆ ଏବଂ ଚକୋଲେଟ୍ ଡେରିଭେଟିଭ୍ସ ସୃଷ୍ଟି କରିଥିବା ଲୋଟସ୍ ସହ ଏହି ସହଯୋଗିତା ସ୍ଥାପନ କରି ରିଲାଏନ୍ସ ଗ୍ରୁପ୍ ବେଶ୍ ଉତ୍ସାହିତ ରହିଛି। ଏପରିକି ଲୋଟସ୍ରେ ଆମ ନିବେଶ ହେଉଛି ସ୍ବଦେଶୀ ଭାବେ ବିକାଶ ହେଉଥିବା ଉଚ୍ଚମାନର ଦୈନନ୍ଦିନ ଜୀବନରେ ବ୍ୟବହାର କରାଯାଉଥିବା ଉପତ୍ାଦକୁ ଆହୁରି ସୁଦୃଢ଼ କରି ସୁଲଭ ମୂଲ୍ୟରେ ଏକ ବୃହତ୍ ଗ୍ରାହକ ବର୍ଗ ପାଖରେ ତାହାକୁ ପହଞ୍ଚାଇବା। ଆମେ ବ୍ୟବସାୟକୁ ଆଗକୁ ବଢ଼ାଇବା ଏବଂ ପରବର୍ତ୍ତୀ ପର୍ଯ୍ୟାୟର ଅଭିବୃଦ୍ଧିକୁ ବଢ଼ାଇବାକୁ ଯାଉଥିବା ବେଳେ ଲୋଟସ୍ର ଉଚ୍ଚ ଅଭିଜ୍ଞ ପରିଚାଳନା ଟିମ୍ ସହ କାର୍ଯ୍ୟ କରିବାକୁ ଚାହିଁରହିଛୁ ବୋଲି ସେ ମତପ୍ରକାଶ କରିଛନ୍ତି। ସେହିଭଳି ଲୋଟସ୍ର ପ୍ରତିଷ୍ଠାତା ତଥା ପ୍ରମୋଟର ଅଭିଜିତ ପାଇ କହିଛନ୍ତି,ରିଲାଏନ୍ସ ସହ ଏହି ସହଯୋଗିତା ସ୍ଥାପନ କରିଥିବାରୁ ଆମେ ଅତ୍ୟନ୍ତ ଉଲ୍ଲସିତ ଅଛୁ। ବିଶେଷ କରି ଶ୍ରେଷ୍ଠ ମାନର ମାନୁଫାକ୍ଚରିଂ ଦକ୍ଷତା ଏବଂ ପ୍ରତିଭା ଜରିଆରେ ସବୁ ପ୍ରକାର ଗ୍ରାହକ ବର୍ଗଙ୍କ ପାଇଁ ବିଶ୍ୱସ୍ତରୀୟ କନ୍ଫେକ୍ସନାରି (ଚକୋଲେଟ୍) ଉପତ୍ାଦ ଗଠନ କରିବା ଲାଗି ଆମର ଲକ୍ଷ୍ୟ ରହିଛି। ସେହିପରି ରିଲାଏନ୍ସ ସହିତ ଆମର ସହଯୋଗିତା ଉକ୍ତ ଲକ୍ଷ୍ୟ ହାସଲ କରିବା ଏବଂ ଲୋଟସ୍ର ରୂପାନ୍ତରଣକୁ ତ୍ୱରାନ୍ବିତକରି ଆମକୁ ଆହୁରି ସକ୍ଷମ କରିବ ବୋଲି ସେ ମତବ୍ୟକ୍ତ କରିଛନ୍ତି।