ଭୁବନେଶ୍ୱର,୨୩।୭: ଭାରତର ସୁପ୍ରତିଷ୍ଠିତ ଶିଳ୍ପପତି ମୁକେଶ ଅମ୍ବାନୀଙ୍କ ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡ ସମସ୍ତ ରେକର୍ଡ ଭଙ୍ଗ କରି ବିଶ୍ୱର ଟପ ୫୦ କମ୍ପାନୀ ମଧ୍ୟରେ ସାମିଲ ହୋଇଛି। ଦେଶର କୌଣସି ଏକ କମ୍ପାନୀ ପ୍ରଥମ ଥର ପାଇଁ ଏହି ସଫଳତା ହାସଲ କରିପାରିଛି ବୋଲି ସୂଚନା ମିଳିଛି। ଷ୍ଟକ ମାକେର୍ଟର ସୂଚନା ଅନୁସାରେ ରିଲାଏନ୍ସର ବଜାର ପୁଞ୍ଜିର ମୋଟ ପରିମାଣ ୧୩ ଲକ୍ଷ କୋଟିରେ ପହଞ୍ଚି ପାରିଛି। ଫଳରେ କମ୍ପାନୀ ବିଶ୍ୱର ପ୍ରମୁଖ ୫୦ଟି କମ୍ପାନୀ ମଧ୍ୟରେ ୪୮ତମ ସ୍ଥାନ ହାସଲ କରିଛି। ଗୁରୁବାର ବମ୍ବେ ଷ୍ଟକ ଏକ୍ସଞ୍ଜେଜ (ବିଏସଇି) ମାକେର୍ଟ କାରବାର ବନ୍ଦର ସୂଚନା ଅନୁସାରେ ରିଲାଏନ୍ସ ୨,୦୬୦.୬୫ ଡଲାରରେ ପହଞ୍ଚିଥିଲା। ବୁଧବାର ଠାରୁ ୨.୮୨% ଅଧିକ ଅଂଶଧନ ବୃଦ୍ଧି ପାଇଛି। ଫଳରେ ବର୍ତ୍ତମାନ କମ୍ପାନୀର ପୁଞ୍ଜି ପ୍ରାୟ ୧୩ ଲକ୍ଷ କୋଟିକୁ ବୃଦ୍ଧି ଘଟିଛି। ଏହି ସମୟ ମଧ୍ୟରେ କୌଣସି ଭାରତୀୟ କମ୍ପାନୀ ଏହି ସଫଳତା ଲାଭ କରିପାରିନାହାନ୍ତି। ବର୍ତ୍ତମାନ ସମୟରେ ରିଲାଏନ୍ସ ହେଉଛି ଏସିଆର ୧୦ ସର୍ବବୃହତ୍ତ ଏମ-କ୍ୟାପ କମ୍ପାନୀ। ସେହିଭଳି ଟାଟା ଗ୍ରୁପର ଟିସିଏସ ଶ୍ରେଷ୍ଠ ୧୦୦ରେ ପ୍ରବେଶ କରିଛି। ଏସିଆର ଅନ୍ୟ ଏକ ଚୀନ କମ୍ପାନୀ ଆଲିବାବା ବିଶ୍ୱ ବଜାରରେ ୭ତମ ସ୍ଥାନ ହାସଲ କରିପାରିଛି।
