ଚେନ୍ନାଇ,୯।୨: ଚେନ୍ନାଇ ଟେଷ୍ଟରେ ଟିମ ଇଣ୍ଡିଆକୁ ଶେଚନୀୟ ଭାବେ ପରାସ୍ତ କରିଛି ଇଂଲଣ୍ଡ। ଏହା ପରେ ଇର ପୂର୍ବତନ ଖେଳାଳିମାନେ ଟିମ ଇଣ୍ଡିଆକୁ ଟାର୍ଗେଟ କରିବାକୁ କୌଣସି ସୁଯୋଗ ହାତଛଡା କରି ନ ଥିଲେ। ଇଂଲଣ୍ଡର ପୂର୍ବତନ ବ୍ୟାଟ୍ସମ୍ୟାନ କେଭିନ ପିଟରସେନ ଏବଂ ମାଇକେଲ ଭନ ଭାରତୀୟ ଦଳର ପ୍ରଦର୍ଶନ ଦେଖି ଇଂଲଣ୍ଡକୁ ଏକ ଶକ୍ତିଶାଳୀ ଦଳ ବୋଲି ବର୍ଣ୍ଣନା କରିଥିଲେ। କେଭିନ ପିଟରସେନ ହିନ୍ଦୀରେ ଟୁଇଟ୍ କରି କଟା ଘା’ରେ ଚୂନ ଲଗାଇବା ଭଳି କଥା କହିଛନ୍ତି। କେଭିନ ପିଟରସେନ ଟୁଇଟ୍ରେ ଲେଖିଛନ୍ତି, ଭାରତ, ମନେଅଛି ଅଷ୍ଟ୍ରେଲିଆକୁ ପରାସ୍ତ କରିବା ପରେ ଏତେ ଉତ୍ସବ ପାଳନ ନ କରିବାକୁ ମୁଁ ଆଗରୁ ଚେତାବନୀ ଦେଇଥିଲି। ସେହିପରି ମାଇକେଲ ଭନ ଇଂଲଣ୍ଡର ବିଜୟ ପରେ ଦଳର ପ୍ରଦର୍ଶନକୁ ପ୍ରଶଂସା କରିଥିଲେ ଏବଂ ବିରାଟ କୋହଲିଙ୍କୁ ମଧ୍ୟ ଟାର୍ଗେଟ କରିଥିଲେ। ଭାରତର ଖେଳ ଆଦୌ ଭଲ ନ ଥିଲା କାରଣ ଇଂଲଣ୍ଡ ସେମାନଙ୍କୁ କିଛି କରିବାକୁ ଦେଇ ନ ଥିଲା। ଟସ ଜିତିବା ଏକ ବଡ କଥା ଥିଲା, କିନ୍ତୁ ଏହାକୁ ସଠିକ ଭାବରେ ବ୍ୟବହାର କରିବା ମଧ୍ୟ ଏକ ମ୍ୟାଚ ବିଜେତା କରିଥାଏ। ଟେଷ୍ଟ ଅଧିନାୟକ ଭାବରେ ବିରାଟ କୋହଲିଙ୍କ କ୍ରମାଗତ ଚତୁର୍ଥ ପରାଜୟ। ଇଂଲଣ୍ଡ ବ୍ୟାଟିଂ, ବୋଲିଂ ଏବଂ ଫିଲ୍ଡିଂ ଏହି ତିନୋଟି ଫ୍ରଣ୍ଟରେ ଭାରତ ଅପେକ୍ଷା ଭଲ ପ୍ରଦର୍ଶନ କରି ସିରିଜରେ ୧-୦ରେ ଅଗ୍ରଣୀ ହାସଲ କରିଛି।