କଥାରେ ଅଛି ‘ଫାଷ୍ଟ ଇମ୍ପ୍ରେସନ ଇଜ୍ ଦ ଲାଷ୍ଟ ଇମ୍ପ୍ରେସନ୍’। ଅର୍ଥାତ ପ୍ରଥମ ଦେଖାରେ ହିଁ ଲୋକଙ୍କ ମନରେ ସକରାତ୍ମକ ଭାବନା ସୃଷ୍ଟି କରିବା ଉଚିତ। କାରଣ ଏହା ଶେଷ ପର୍ଯ୍ୟନ୍ତ ରହିଥାଏ। ଆଚାର୍ଯ୍ୟ ଚାଣକ୍ୟ ମଧ୍ୟ ଏହି କଥାରେ ବିଶ୍ୱାସ କରୁଥିଲେ।
ଚାଣକ୍ୟ ନୀତିରେ ସେ କହିଛନ୍ତି, ଯଦି କାହାକୁ ପ୍ରଥମ ଥର ପାଇଁ ଭେଟିବାକୁ ଯାଉଛନ୍ତି, ତେବେ ପ୍ରସ୍ତୁତ ହୋଇ ଯାଆନ୍ତୁ। କାରଣ ପ୍ରଥମ ଦେଖା ଏପରି ହେବା ଦରକାର ଯାହାକୁ ଅନ୍ୟ ଲୋକ ସାରା ଜୀବନ ମନେ ରଖିବ।
ନିଜର ଜ୍ଞାନର ସଠିକ୍ ପ୍ରୟୋଗ କରନ୍ତୁ: ଅନ୍ୟକୁ ପ୍ରଭାବିତ କରିପାରିଲେ ହିଁ ଜଣେ ଜଣଙ୍କୁ ମନେ ରଖିପାରେ। କେବଳ ଜ୍ଞାନ ପ୍ରାପ୍ତ କରିଦେଲେ, ଜଣେ ଜ୍ଞାନୀ ହୋଇଯାଏ ନାହିଁ। ଏଥିପାଇଁ ତାଙ୍କୁ ନିଜ ଜ୍ଞାନର ସଠିକ୍ ବ୍ୟବହାର ଶିଖିବାକୁ ପଡ଼ିଥାଏ। ଲୋକଦେଖାଣିଆ ତଥା ଅନ୍ୟକୁ ନିଜଠାରୁ କମ୍ ପ୍ରତ୍ୟୟ କରିବା ଲାଗି ଯଦି ଜ୍ଞାନର ବ୍ୟବହାର କରାଯାଏ ତେବେ ସେହି ବ୍ୟକ୍ତିଙ୍କୁ ଜ୍ଞାନିଗଣରେ ଗଣାଯାଇପାରିବ ନାହିଁ। ଏଣୁ ନିଜର ଜ୍ଞାନର ସଠିକ୍ ବ୍ୟବହାର ଶିଖନ୍ତୁ।
ଅନ୍ୟକୁ ସମ୍ମାନ ଦେବା ଶିଖନ୍ତୁ: ସମ୍ମାନ ଦେଲେ ସମ୍ମାନ ମିଳେ। ଏଣୁ କାହାଠାରୁ ସମ୍ମାନ ପାଇବାକୁ ଆଶା କରିବା ପୂର୍ବରୁ ନିଜେ ଅନ୍ୟମାନଙ୍କୁ ସମ୍ମାନ ଦେଇ ଶିଖିବା ଆବଶ୍ୟକ। ଏଣୁ କାହାକୁ ଦେଖା କରିବାକୁ ଯିବା ସମୟରେ ସମ୍ମାନ ଜଣାନ୍ତୁ। ତାଙ୍କର ଆଦର କରନ୍ତୁ। ଯିଏ ଏପରି କରେ ନାହିଁ, ତାହାର ପ୍ରଭାବ ଅନ୍ୟମାନଙ୍କ ଆଗରେ ଖରାପ ହୁଏ।
ସଭ୍ୟ ଆଚରଣ: ପ୍ରଖର ଏବଂ ପ୍ରତିଭାଶାଳୀ ଲୋକଙ୍କୁ ଅନେକ ଦିନ ପାଇଁ ଲୋକେ ମନେ ରଖନ୍ତି। ସଭ୍ୟ ମଣିଷ ଅନ୍ୟକୁ ଆକର୍ଷିତ କରିପାରିଥାଏ। ଶିକ୍ଷିତ ଲୋକମାନେ ଅଧିକ ସଭ୍ୟ ହୋଇଥାନ୍ତି, ଏଣୁ ଲୋକମାନେ ତାଙ୍କୁ ବେଶି ପସନ୍ଦ କରିଥାନ୍ତି।