କପଡ଼ାରେ କୌଣସି ପ୍ରକାରର ପେଣ୍ଟିଂ ରଙ୍ଗ ଲାଗିଗଲେ ତାକୁ ଛଡ଼ାଇବା ପାଇଁ କିରୋସିନ ବ୍ୟବହାର କରନ୍ତୁ। ଦାଗ ଲାଗିଥିବା ସ୍ଥାନରେ କିରୋସିନ ପକାଇ କିଛି ସମୟ ରଖି ଇୟର ବଡ୍ରେ କିଛି ସମୟ ଘଷିବା ପରେ ସାବୁନ ଲଗାଇ ଗରମ ପାଣିରେ ଧୋଇ ଦିଅନ୍ତୁ।
କପଡ଼ାରେ କୌଣସି ପ୍ରକାରର କଲମ କାଳିର ଦାଗ ଲାଗିଥିଲେ ସେଥିରେ ଡେଟଲ ପକାଇ ଘଷନ୍ତୁ। କିଛି ସମୟ ପରେ ଭଲଭାବେ ଧୋଇ ଦିଅନ୍ତୁ, ଦାଗ ଛାଡ଼ିଯିବ।
ସୂତା କପଡାରେ କଲମ କାଳି ଦାଗ ଛଡାଇବା ପାଇଁ ଟମାଟୋ କାଟି ସେହି ସ୍ଥାନରେ ଲଗାନ୍ତୁ। ଲେମ୍ବୁ ରସକୁ ମଧ୍ୟ ସେହି ସ୍ଥାନରେ ଲଗାଇ ଅଧଘଣ୍ଟା ରଖି ଧୋଇ ଦିଅନ୍ତୁ।
କପଡ଼ାରେ ଚକୋଲେଟର ଦାଗ ଲାଗିବା ମାତ୍ରେ ତାକୁ ତୁରନ୍ତ ମୁହଁଲଗା ପାଉଡର ଲଗାଇ ଶୁଖାଇ ଦିଅନ୍ତୁ। ଏହାପରେ ଗରମ ପାଣିରେ କପଡ଼ାକୁ ଧୋଇ ଦିଅନ୍ତୁ।
ଆଇସ୍କ୍ରିମ୍ ଦାଗ ଛଡ଼ାଇବା ପାଇଁ ଆମୋନିଆ ଘୋଳ ଲଗାଇ ଘଷନ୍ତୁ।
କପଡ଼ାରେ ଚା କିମ୍ବା କଫିର ଦାଗ ଲାଗିଥିଲେ ସଙ୍ଗେ ସଙ୍ଗେ ତାକୁ ଗରମ ପାଣିରେ ଧୋଇ ସେହି ସ୍ଥାନରେ ସାବୁନ କିମ୍ବା ଡିଟରଜେଣ୍ଟ ଲଗାଇ ୧୦ ମିନିଟ୍ ରଖନ୍ତୁ। ଏହାପରେ ଭଲଭାବେ ଘଷି ଧୋଇ ଦିଅନ୍ତୁ।
କପଡ଼ାରେ ପାନ କିମ୍ବା ଗୁଟ୍କାର ଦାଗ ଲାଗିଥିଲେ ସେହି ସ୍ଥାନରେ ଖଟା ହୋଇଥିବା ଦହି ପକାଇ ଘଷନ୍ତୁ। ଯଦି ଥରକରେ ଦାଗ ନ ଛାଡ଼େ ତେବେ ପୁଣି ଥରେ ସେହିପରି ଛଡ଼ାନ୍ତୁ।