ନୂଆଦିଲ୍ଲୀ,୨୧।୨: ଦେଶର ଅଗ୍ରଣୀ ଅଟୋମୋବାଇଲ କମ୍ପାନୀ ରେନୋଲ୍ଟ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ ବା ରେନୋ ଇଣ୍ଡିଆ ଏବଂ ବିଏଲ୍ଏସ୍ ଇ-ସର୍ଭିସ୍ ମଧ୍ୟରେ ଏକ ଦ୍ୱିପାକ୍ଷିକ ବୁଝାମଣା ନିକଟରେ ହୋଇଯାଇଛି। ଏପରିକି ରେନୋର ଅଲ ନ୍ୟୁ କ୍ୱିଡ୍, ଟ୍ରାଇବର ଏବଂ କାଇଗର-୨୦୨୪ ରେଞ୍ଜର ଉପଲବ୍ଧତାକୁ ସୂଦୂରପ୍ରସାରୀ କରାଇବା ସହ ଗ୍ରାମଞ୍ଚଳ ବଜାରରେ ପହଞ୍ଚାଇବା ଲାଘି ଉଭୟ ସଂସ୍ଥା ମଧ୍ୟରେ ଏକ ବୁଝାମଣା ପତ୍ର (ଏମ୍ଓୟୁ) ସ୍ବାକ୍ଷର ହୋଇଛି। ଏ ସମ୍ପର୍କରେ ରେନୋ ଇଣ୍ଡିଆର ଉପସଭାପତି (ସେଲ୍ସ ଆଣ୍ଡ ମାକେଟିଂ) ସୁଧୀର ମାଲହୋତ୍ରା କହିଛନ୍ତି, ଗ୍ରାମାଞ୍ଚଳ ବଜାରରେ ବ୍ରାଣ୍ଡ୍ର ନୂତନ ମଡେଲଗୁଡିକୁ ଆଶାୟୀ ଗ୍ରାହକଙ୍କ ନିକଟତର କରାଇବା ଲାଗି ବିଏଲ୍ଏସ୍ ଇ ସର୍ଭିସ୍ ସହ ବୁଝାମଣା ହୋଇଛି। ଉଭୟ କମ୍ପାନୀ ମିଳିତ ଭାବେ କାରବାର ବୃଦ୍ଧି ସହିତ ଗ୍ରାହକ କୈନ୍ଦ୍ରିକତା ଗୁରୁତ୍ୱ ଦିଆଯିବ। ସେହିଭଳି ବିଏଲ୍ଏସ୍ ଇ-ସର୍ଭିସ୍ର ଅଧ୍ୟକ୍ଷ ଶିଖର ଅଗ୍ରଓ୍ବାଲ କହିଥିଲେ, ରେନୋ ଇଣ୍ଡିଆ ସହ ସହଭାଗିତା କରି ଆମେ ବେଶ୍ ଉତ୍ସାହିତ ଅଛୁ।
