ନୂଆଦିଲ୍ଲୀ,୧୬ ।୬: ରାହୁଲ ଗାନ୍ଧୀଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ପକ୍ଷରୁ ନୋଟିସ ଜାରି କରାଯିବା ଓ ୪ ଦିନ ହେବ ତାଙ୍କୁ ପଚରା ଉଚରା କରାଯିବା ଘଟଣାରେ କଂଗ୍ରେସ ବିରୋଧ ପ୍ରଦର୍ଶନ କରି ଆସୁଛି । ଗୁରୁବାର ତେଲେଙ୍ଗାନା, ତାମିଲନାଡୁ, କର୍ନାଟକ, ମହାରାଷ୍ଟ୍ର ସମେତ ଅନ୍ୟ ରାଜ୍ୟରେ କଂଗ୍ରେସ ନେତା ଓ କର୍ମୀ ବିରୋଧ ପ୍ରଦର୍ଶନ କରିଛନ୍ତି ।
ଏହି ସମୟରେ ହାଇଦ୍ରାବାଦରେ ଇଡିର କାର୍ଯ୍ୟକୁ ବିରୋଧ କରି କଂଗ୍ରେସ ନେତ୍ରୀ ରେଣୁକା ଚୌଧୁରୀ ଜଣେ ପୋଲିସଙ୍କ କଲାର ଧରି ନେଇଥିବାର ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି ।
ସୂଚନାଯୋଗ୍ୟ, ନ୍ୟାଶନାଲ ହେରାଲ୍ଡ ମାମଲାରେ ୪ ଦିନ ହେବ ଇଡି କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ପଚରା ଉଚରା କରିବା ସହ ଏହାର ଅଡିଓ ଓ ଭିଡିଓ ରେକର୍ଡ କରାଯାଉଛି । ହେଲେ ରାହୁଲଙ୍କ ବିରୋଧରେ ଇଡିର ନୋଟିକୁ ନେଇ ଆରମ୍ଭରୁ କଂଗ୍ରେସ ବିରୋଧ ପ୍ରଦର୍ଶନ କରୁଛି । ଗୁରୁବାର କଂଗ୍ରେସ ନେତା ଓ କର୍ମୀ ଦେଶର ବିଭିନ୍ନ ରାଜ୍ୟରେ ବିରୋଧ ପ୍ରଦର୍ଶନ କରିବା ସହ ରାଜ ଭବନ ନିକଟରେ ବିରୋଧ ପ୍ରଦର୍ଶନ କରିବାକୁ ଯୋଜନା କରିଥିଲେ । ଏହି ପ୍ରଦର୍ଶନରେ ବଡ ବଡ ନେତାମାନେ ବି ସାମିଲ ଅଛନ୍ତି । ତେବେ ରାହୁଲଙ୍କୁ ଯେଉଁ ସବୁ ପ୍ରଶ୍ନ ପଚରା ଯାଉଛି ସେଥିରେ ସେ ସହଯୋଗ କରୁଥିବା ବିଶେଷ ସୂତ୍ରରୁ ମିଳିଥିବା ସୂଚନାରୁ ଜଣାପଡିଛି ।
#WATCH | Telangana: Congress leader Renuka Chowdhury holds a Policeman by his collar while being taken away by other Police personnel during the party's protest in Hyderabad over ED summons to Rahul Gandhi. pic.twitter.com/PBqU7769LE
— ANI (@ANI) June 16, 2022
