୧୯୯୭ରେ ହଲିଉଡ୍ ଫିଲ୍ମ ‘ଟାଇଟନିକ୍’ ସମ୍ପର୍କରେ କିଏ ବା ନ ଜାଣିଛି। ଏହି ଫିଲ୍ମ ସେତେବେଳେ ସମଗ୍ର ବିଶ୍ୱରେ ଚହଳ ସୃଷ୍ଟି କରିଥିଲା। ଫିଲ୍ମଟି ଯୁବପିଢ଼ିଙ୍କୁ ବେଶ୍ ପସନ୍ଦ ଆସିଥିଲା। ଏଥିରେ କିଛି ରୋମାଣ୍ଟିକ୍ ସିନ୍ ବା ଦୃଶ୍ୟ ଥିଲା। ସେଥିମଧ୍ୟରୁ ଗୋଟିଏ ହେଉଛି ଜାହାଜର ଧାରରେ ପରସ୍ପର ସହିତ ଠିଆ ହୋଇଥିବା କପଲଙ୍କ ରୋମାଣ୍ଟିକ ପୋଜ୍। ଯାହାକୁ ‘କିଙ୍ଗ୍ ଅଫ୍ ଓ୍ବାଲର୍ଡ’ କୁହାଯାଏ। ।
ଟାଇଟନିକ୍ ଫିଲ୍ମ ପରି ଏକ ଘଟଣା ତୁର୍କୀରେ ଘଟିଛି। କୋକେଲିର ଉତ୍ତର-ପଶ୍ଚିମ ପ୍ରଦେଶର ଇଜ୍ମିତ୍ ମରିନା ପିଆରରେ ଫୁର୍କାନ ସିଫ୍ଟସି ଏବଂ ମାଇନ ଡିନାର୍ ନାମକ ପ୍ରେମୀଯୁଗଳ ସମୁଦ୍ରକୂଳରେ ଟାଇଟନିକ୍ର ରୋମାଣ୍ଟିକ ପୋଜ ସୃଷ୍ଟି କରିବାକୁ ଚାହୁଁଥିଲେ କିନ୍ତୁ ଦୁର୍ଭାଗ୍ୟବଶତଃ ସେମାନଙ୍କର ଶେଷ ଏବଂ ଦୁଃଖଦ ଦୃଶ୍ୟ ପୁନରାବୃତ୍ତି ହେଲା।
ପ୍ରେମୀଯୁଗଳ ମଦ୍ୟପାନ କରିବା ସହିତ ପୋଜ୍ ପୁନରାବୃତ୍ତି କରିବା ପୂର୍ବରୁ ମାଛ ଧରୁଥିଲେ। ତା’ପରେ ଯେତେବେଳେ ସେମାନେ ନିଜକୁ ପୋଜ ସ୍ଥିତିରେ ଠିଆ ହେଲେ ବୋଧହୁଏ ମଦ୍ୟପାନ ହେତୁ ଉଭୟ ସନ୍ତୁଳନ ବଜାୟ ରଖିପାରିଲେ ନାହିଁ। ସମୁଦ୍ରରେ ଖସି ପଡ଼ିଲେ। ପୋଜ ସର୍କଲରେ ଉଭୟ ଘାଟରେ ସୁରକ୍ଷା ବୃତ୍ତ ଅତିକ୍ରମ କରି ଆଗକୁ ବଢ଼ିଥିଲେ। ନିକଟସ୍ଥ ମତ୍ସ୍ୟଜୀବୀମାନେ ଏହି ପ୍ରେମୀଯୁଗଳଙ୍କୁ ସମୁଦ୍ରରେ ପଡ଼ିଥିବାର ଦେଖି ସାହାଯ୍ୟ କରିବାକୁ ଆଗେଇ ଆସିଥିଲେ। ଜଣେ ମତ୍ସ୍ୟଜୀବୀ ଗର୍ଲଫ୍ରେଣ୍ଡ ମାଇନ ଡିନାରକୁ ବଞ୍ଚାଇବାରେ ସଫଳ ହୋଇଥିଲେ। କିନ୍ତୁ କଠିନ ପରିଶ୍ରମ ପରେ ମଧ୍ୟ ପ୍ରେମିକଙ୍କ ପତ୍ତା ମିଳି ନ ଥିଲା। ପରେ ଜରୁରିକାଳୀନ ସେବାକୁ ଡାକିବାକୁ ପଡ଼ିଥିଲା। ଏହାର କର୍ମଚାରୀମାନେ ଆସି ପ୍ରେମିକଙ୍କୁ ମୃତ ଅବସ୍ଥାରେ ଉଦ୍ଧାର କରିଥିଲେ।
ପ୍ରେମୀଯୁଗଳଙ୍କୁ ସମୁଦ୍ରରେ ବୁଡ଼ିଯିବାର ଦେଖି ମତ୍ସ୍ୟଜୀବୀମାନେ ସେମାନଙ୍କୁ ଉଦ୍ଧାର କରିଥିଲେ। ତେବେ ପ୍ରେମିକଙ୍କ ମୃତଦେହ ମିଳିଥିବା ବେଳେ ପ୍ରେମିକାଙ୍କୁ ବେହୋସ ଅବସ୍ଥାରେ ପାଇଥିଲେ। ଡାକ୍ତରଖାନାରେ ଚିକିତ୍ସା ପରେ ଚେତା ଫେରି ପାଇବା ପରେ ପ୍ରେମିକା ଜଣକ ପୂରା କାହାଣୀ ବର୍ଣ୍ଣନା କରିଥିଲେ। ଉଭୟଙ୍କ ଶେଷ ମୁହୂର୍ତ୍ତର ସିସିଟିଭି ଫୁଟେଜରେ ସେମାନେ ମାଛ ଧରିବା ପାଇଁ ପାଇର୍ ଉପରେ ଚେୟାର ଲଗାଇଥିବାର ନଜର ଆସିଥିଲେ। ପ୍ରେମୀ ଯୁଗଳ ଟାଇଟନିକର ରୋମାଣ୍ଟିକ ଦୃଶ୍ୟକୁ ପୁନଃ ତିଆରି କରିବାକୁ ଚାହୁଁଥିଲେ କିନ୍ତୁ ଦୁର୍ଭାଗ୍ୟବଶତଃ ସେମାନଙ୍କର ଶେଷ ଏବଂ ଦୁଃଖଦ ଦୃଶ୍ୟ ପୁନରାବୃତ୍ତି ହେଲା। ଯେଉଁଥିରେ ପ୍ରେମିକା ବଞ୍ଚି ଯାଇଥିଲେ କିନ୍ତୁ ପ୍ରେମିକ ସମୁଦ୍ରରେ ବୁଡ଼ି ଯାଇଥିଲେ। ଫିଲ୍ମ ଦେଖି ବାସ୍ତବ ଜୀବନରେ ଏମିତି କରିବା କେତେ ଯେ, କ୍ଷତିକାରକ ତାହା ଏହି ଘଟଣାରୁ ସ୍ପଷ୍ଟ ବୁଝାପଡ଼େ।
