ପାଟଣା,୧୩।୯(ସ୍ବ.ପ୍ର.): ଖବରଦାତା ଅରିନ୍ଦମ ଦାସଙ୍କ ମଙ୍ଗଳବାର ପ୍ରଥମ ଶ୍ରାଦ୍ଧ ବର୍ଷିକୀ। ଏହି ଅବସରରେ ତାଙ୍କ ପୈତୃକ ଗାଁ କେନ୍ଦୁଝର ଜିଲା ପାଟଣା ବ୍ଲକ ରାଜନଗର ପଞ୍ଚାୟତ ରାଇକଳା ଗ୍ରାମରେ ଶ୍ରାଦ୍ଧ ବାର୍ଷିକୀ ପାଳନ ହୋଇଛି। ହିନ୍ଦୁଶାସ୍ତ୍ର ମତେ ପିଣ୍ଡ ପ୍ରଦାନ କାର୍ଯ୍ୟ ସମ୍ପନ୍ନ ହୋଇ ଗାଁ ମୁଣ୍ଡ ରାସ୍ତା ପାଶ୍ୱର୍ର୍ରେ ଅରିନ୍ଦମଙ୍କ ଏକ ପ୍ରତିମୃର୍ତ୍ତି ଉଦ୍ଘାଟନ କରାଯାଇଛି। ଅରିନ୍ଦମ କାର୍ଯ୍ୟକରୁଥିବା ଗଣମାଧ୍ୟମ ସଂସ୍ଥାର ମୁଖ୍ୟ ଜାଗି ମଙ୍ଗତ ପଣ୍ଡା ଏହି କାର୍ଯ୍ୟକ୍ରମରେ ଯୋଗଦେଇ ଏହାକୁ ଉଦ୍ଘାଟନ କରିଥିଲେ। ଏହି ସମୟରେ ତାଙ୍କ ମା’ ସ୍ତ୍ରୀ ଓ ପରିବାର ଲୋକ ମଧ୍ୟ ଉପସ୍ଥିତ ଥିଲେ। ପରେ ସ୍ମୃତି ଚାରଣ ସଭା ଅନୁଷ୍ଠିତ ହୋଇଥିଲା। ପ୍ରବଚକ ଶିକ୍ଷାବିତ୍ ଅକ୍ଷୟ ନାରାୟଣ ମିଶ୍ରଙ୍କ ଅଧକ୍ଷତାରେ ମୁଖ୍ୟ ଅତିଥି ଭାବେ ଜାଗି ପଣ୍ଡା, ଅରବିନ୍ଦମଙ୍କ ମା’ କୁନି ଦାସ, ମୁଖ୍ୟ ବକ୍ତା ଭାବେ ଖବରଦାତା ନୃସିଂହନାଥ ସିଂ, ସମ୍ମାନିତ ଅତିଥି ଭାବେ ସ୍ଥାନୀୟ ସରପଞ୍ଚ ସୁଧାଂଶୁ ଶେଖର ନାଏକ, ଡ. ଗୌର ହରି ମହାନ୍ତ ବର୍ମା, ଖବରଦାତା ରାଧାମାଧବ ମିଶ୍ର ପ୍ରମୁଖ ଉପସ୍ଥିତ ରହି ଅରବିନ୍ଦମଙ୍କ ସ୍ମରଣୀକା ଉନ୍ମୋଚନ କରିଥିଲେ। ଏହା ପରେ ଅରବିନ୍ଦମଙ୍କ ନିର୍ଭିକ ସାମ୍ବାଦିକତା ଉପରେ ଆଲୋକପାତ କରିଥିଲେ। କାର୍ଯ୍ୟକ୍ରମରେ ଅରବିନ୍ଦମଙ୍କ ସ୍ତ୍ରୀ ସମୀକ୍ଷା ବେହେରା, କକା ଧରଣୀଧର ଦାସ, ଅରବିନ୍ଦମଙ୍କ ପୁଅ ସାନଭିକ୍ଙ୍କ ସହ ବହୁ ବିଶିଷ୍ଟ ବ୍ୟକ୍ତି ଓ ଗ୍ରାମବାସୀ ଉପସ୍ଥିତ ଥିଲେ।
୨୦୨୧ ମସିହା ସେପ୍ଟେମ୍ବର୨୪ ତାରିଖରେ ମହାନଦୀର ମୁଣ୍ଡୁଳି ବ୍ୟାରେଜରେ ଫସିଥିବା ହାତୀ ନ୍ୟୁଜ କଭର କରିବାକୁ ଓଡ୍ରାଫ ଟିମ୍ଙ୍କ ସହ ସେ ଯାଇଥିବା ବେଳେ ବୋଟ ଓଲଟି ଦୁର୍ଘଟଣାଗ୍ରସ୍ତ ହୋଇଥିଲା। ପାଣିରେ ବୁଡ଼ି ତାଙ୍କର ମୃତ୍ୟୁ ଘଟିଥିଲା।
