ସୋସିଆଲ ମିଡିଆରେ ଏବେ ଏକ ଭିଡିଓ ଖୁବ୍ ଭାଇରାଲ ହେବାରେ ଲାଗିଛି। ଏହି ଭିଡିଓଟି ଲାଇଭ୍ ରିପୋଟିଂ ସମୟର। ଏଥିରେ ଜଣେ ମହିଳା ଖବରଦାତାଙ୍କୁ ଏକ କୁକୁର ଆକ୍ରମଣ କରି ତାଙ୍କଠାରୁ ମାଇକ୍ ଛଡ଼ାଇ ନେଇ ପଳାଇଯାଉଥିବା ଦେଖିବାକୁ ମିଳୁଛି।
ଏହି ଭିଡିଓ ଏମ୍ଏନ୍ପି ୨୪ ୟୁଟ୍ୟୁବ୍ ଚ୍ୟାନେଲ ଦ୍ୱାରା ଶେୟାର କରାଯାଇଛି । ୧ ମିନିଟ ୩୬ ସେକେଣ୍ଡର ଏହି ଭିଡିଓରେ ଦେଖିବାକୁ ମିଳୁଛି ଯେ, ଜଣେ ଆଙ୍କର୍ ଲାଇଭ୍ ଖବର ପଢ଼ୁଛନ୍ତି। ଏହି ସମୟରେ ଏକ କୁକୁର ଆସି ହଠାତ୍ ତାଙ୍କୁ ଆକ୍ରମଣ କରୁଛି। ଏଥିସହ କୁକୁରଟି ଖବରଦାତାଙ୍କ ମାଇକ୍କୁ ଛଡ଼ାଇ ନେଇ ପାଟିରେ କାମୁଡି ଦ୍ରୁତ ଗତିରେ ପଳାଇଯାଉଛି। ଖବରଦାତା ମଧ୍ୟ ତାଙ୍କ ପଛରେ ଦୌଡିବାକୁ ଲାଗୁଛନ୍ତି। ଏହାର କିଛି ସମୟ ପରେ ଖବରଦାତା ଏବଂ କୁକୁର ପରସ୍ପରକୁ ଆଶ୍ଚର୍ଯ୍ୟରେ ଦେଖୁଛନ୍ତି। ଏହା ପରେ ପୁଣିଥରେ ସେ ଖବର ପଢ଼ିବା ଆରମ୍ଭ କରୁଛନ୍ତି। ପରେ ସେ କୁକୁରଠାରୁ ମାଇକ୍ଟିକୁ ନେଇଯିବା ସହ ହାତ ମଧ୍ୟ ମିଳାଉଛନ୍ତି। ଏହି ଭିଡିଓକୁ ଖୁବ୍ ପସନ୍ଦ ମଧ୍ୟ କରାଯାଉଛି।