ନୂଆଦିଲ୍ଲୀ, ୧୩।୯ : ଟୟୋଟା କିଲୋସ୍କର ମୋଟର ପକ୍ଷରୁ ଏହାର ବହୁ ପ୍ରତୀକ୍ଷିତ କମ୍ପାକ୍ଟ ଏସ୍ୟୁଭି ସେଗ୍ମେଣ୍ଟ ଅନ୍ତର୍ଗତ ଅଲ୍ ନିୟୁ ଟୟୋଟା ଅର୍ବାନ କ୍ରୁଏଜରର ବୁକିଂରେ ଗ୍ରାହକଙ୍କ ଉସତ୍ାହକୁ ଦୃଷ୍ଟିରେ ରଖି ରେସ୍ପେକ୍ଟ ପ୍ୟାକେଜର ଘୋଷଣା କରାଯାଇଛି। ଟୟୋଟା କଷ୍ଟମର ଫାଷ୍ଟ ଫିଲୋସୋପି ଅନ୍ତର୍ଗତ କମ୍ପାନୀ ପକ୍ଷରୁ ଏଭଳି ଯୋଜନା ଆରମ୍ଭ କରାଯାଇଛି। ଟୟୋଟା ଉତ୍ପାଦ ଉପରେ ଗ୍ରାହକଙ୍କୁ କମ୍ପାନୀ ପକ୍ଷରୁ ‘ଏ ନୋ କଷ୍ଟ ପରିୟଡିକ୍ ମେଣ୍ଟନାନ୍ସ’ ସେବା ୨ବର୍ଷ ପାଇଁ ପ୍ରଦାନ କରାଯାଉଛି। ଏ ସମ୍ପର୍କରେ ଟୟୋଟା କିଲୋସ୍କର ମୋଟର ସେଲସ ଆଣ୍ଡ ସର୍ଭିସ ବରିଷ୍ଠ ଉପସଭାପତି ନବୀନ ସୋନୀ କହିଛନ୍ତି ଯେ, ଟୟୋଟା ଅର୍ବାନ କ୍ରୁଏଜରର ଓପନିଂ ବୁକିଂ ଯୋଗୁ ଆମେ ବେଶ୍ ଉତ୍ସାହୀ। ରେସ୍ପେକ୍ଟ ପ୍ୟାକେଜ ମାଧ୍ୟମରେ ଗ୍ରାହକଙ୍କ ପ୍ରତି କୃତଜ୍ଞତା ଜାହିର କରିବା ସହ ସେମାନଙ୍କୁ ଟୟୋଟା ପରିବାରକୁ ସ୍ବାଗତ କରିପାରିବୁ। ଏହି ନୂତନ ଅର୍ବାନ କ୍ରୁଜର ଏସ୍ୟୁଭିରେ ୪ସିଲିଣ୍ଡର ବିଶିଷ୍ଟ ଶକ୍ତିଶାଳୀ କେ ସିରିଜ ୧.୫ ଲିଟର ଇଞ୍ଜିନ ରହିଛି। ଏହା ଉଭୟ ମାନୁଆଲ ଓ ଅଟୋମେଟିକ ଟ୍ରାନ୍ସମିଶନରେ ମଧ୍ୟ ଉପଲବ୍ଧ ହେଉଛି। ଏଥିରେ ନୂତନ ଫିଚର ସହ ଅତ୍ୟାଧୁନିକ ଜ୍ଞାନକୌଶଳ, ସରଞ୍ଜାମ, ଆକର୍ଷଣୀୟ ମଡେଲ ଓ କଲର ଭଳି ବୈଶିଷ୍ଟ୍ୟ ରହିଛି।
