କରୋନା ମହାମାରୀ ଯୋଗୁ ଥାଇଲାଣ୍ଡର ଲୋକେ ବହୁ ସମସ୍ୟାରେ ପଡ଼ିଥିଲେ। ଏବେ ପୁଣି ବନ୍ୟା। ଫଳରେ ଲୋକଙ୍କ ସମସ୍ୟା ଦ୍ୱିଗୁଣିତ ହୋଇପଡ଼ିଛି। ଏହି ସମୟରେ ଜଣେ ରେଷ୍ଟୁରାଣ୍ଟ ମାଲିକ ଯେଉଁ ନିଷ୍ପତ୍ତି ନେଇଛନ୍ତି ଆପଣ ଜାଣି ଆଶ୍ଚର୍ଯ୍ୟ ହେବେ।
ରିଭରସାଇଡ୍ ରେଷ୍ଟୁରାଣ୍ଟ ମାଲିକ ଟିଟିପର୍ନ ଜୁତିମାନୋନଙ୍କୁ ଲାଗିଲା କି ତାଙ୍କ ବ୍ୟବସାୟ ବୁଡ଼ିଯିବ। କାରଣ ପୂର୍ବରୁ କରୋନା ଏବେ ପୁଣି ବନ୍ୟା। ତେଣୁ ସେ ଚିନ୍ତା କଲେ ସେହି ବନ୍ୟାପାଣିରେ ହିଁ ରେଷ୍ଟୁରାଣ୍ଟ ଖୋଲିବେ। ଫଳରେ ଲୋକେ ଖାଇବା ପାଇଁ ଯେଉଁ ସମସ୍ୟା ଉପୁଜୁଛି ତାହା ଦୂର ହୋଇଯିବ। ଶେଷରେ ଟିଟିପର୍ନ ରେଷ୍ଟୁରାଣ୍ଟ ଖୋଲିଲେ। ଲୋକଙ୍କୁ ତାଙ୍କ ମନପସନ୍ଦର ଖାଦ୍ୟ ମିଳୁଛି। ବର୍ତ୍ତମାନ ରେଷ୍ଟୁରାଣ୍ଟରେ ଗ୍ରାହକଙ୍କ ସଂଖ୍ୟା ବଢ଼ିବାରେ ଲାଗିଛି। ଏହି ରେଷ୍ଟୁରାଣ୍ଟର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି।
ଗ୍ରାହକଙ୍କ ବସିବା ପାଇଁ ପାଣି ଭିତରେ ସମସ୍ତ ସୁବିଧା କରାଯାଇଛି। ଲୋକେ ଏଠାରେ ବସି ଡିପ୍ ଡାଇନିଂର ମଜା ନେଉଛନ୍ତି। ରେଷ୍ଟୁରାଣ୍ଟ ମାଲିକ କୁହନ୍ତି, ଗ୍ରାହକମାନେ ପୂରା ଆନନ୍ଦିତ ହେଉଛନ୍ତି। ଲୋକେ ଖାଇବା ସହ ଲହଡ଼ିର ମଜା ବି ନେଉଛନ୍ତି।