ଅହମ୍ମଦାବାଦର କୋର୍ଟୟାଡ ବାଏ ମାରିଅଟ ଭାରତର ୨ଟି ସବୁଠୁ ପ୍ରିୟ କ୍ରିକେଟ ଏବଂ ଖାଦ୍ୟକୁ ୫ ଫୁଟ ଲମ୍ବର ଏକ ପ୍ଲେଟରେ ଏକାଠି କରିବାକୁ ଚେଷ୍ଟା କରିଛି। ଏଠାରେ ଏକ ବିଶେଷ ପ୍ଲେଟ ଆରମ୍ଭ ହୋଇଛି, ଯାହାକି ୫ ଫୁଟ ଲମ୍ବ ଏବଂ ଖେଳାଳିଙ୍କ ନାମରେ ନାମିତ ଖାଦ୍ୟ ରହିଛି। ଏହି ମୋଟେରା ଥାଳି ଅନେକ ଲୋକଙ୍କ ଦୃଷ୍ଟି ଆକର୍ଷଣ କରିଥିଲା। ବିଶେଷକରି ପୂର୍ବତନ କ୍ରିକେଟର ତଥା ଓ୍ବିକେଟ କିପର ପାର୍ଥିବ ପଟେଲ ଏହାକୁ ପ୍ରଶଂସା କରିଛନ୍ତି। ପଟେଲ ନିଜ ବନ୍ଧୁଙ୍କ ସହ ପାରମ୍ପରିକ ଗୁଜୁରାଟୀ ପଗଡ଼ି ପିନ୍ଧି ଏହି ଥାଳିକୁ ଗ୍ରହଣ କରିଛନ୍ତି।
ବିଗତ କିଛି ଦିନ ହେବ ବଡ଼ ଥାଳି ଚ୍ୟାଲେଞ୍ଚ ଟ୍ରେଣ୍ଡ କରୁଛି। ଏହି ମୋଟେରା ଥାଳି ଚ୍ୟାଲେଞ୍ଜର ଭିନ୍ନ ନିୟମ ରହିଛି। ଏହି ୫ ଫୁଟର ମୋଟେରା ଥାଳିକୁ ଶେଷ କରିବା ପାଇଁ ବନ୍ଧୁ ଏବଂ ପରିବାର(୪ରୁ ଅଧିକ ନୁହନ୍ତି )ର ସାହାଯ୍ୟ ମଧ୍ୟ ନେଇପାରିବେ।
ଏହି ସ୍ବତନ୍ତ୍ର କ୍ରିକେଟ ଥିମ୍ ଥାଳିର ମେନୁରେ କୋହଲି ଖମନ, ପାଣ୍ଡ୍ୟା ପାତ୍ରା, ଧୋନୀ ଖେଚୁଡି, ଭୁବନେଶ୍ୱର ଭର୍ତ୍ତା, ରୋହିତ ଆଳୁ ରଶିଲା, ଶାର୍ଦ୍ଦୁଳ ଶ୍ରୀଖଣ୍ଡ, ବାଉଁଶର ବାସୁନ୍ଦୀ, ହ୍ୟାଟ୍ରିକ ଗୁଜରାଟୀ ହାଲି, ବୁମରା ଭେଣ୍ଡି ଶିମଲାମିର୍ଚ୍ଚ, ହରଭଜନ ହ୍ୟାଣ୍ଡଭୋ ସମେତ ଆହୁରି ଅନେକ ଗୁରୁରାଟୀ ଭୋଜନ ଅନ୍ତର୍ଭୁକ୍ତ। ଏଥିସହ ସ୍ନାକ୍ସ, ରୁଟି, ମିଠା ଆଦି ରହିଛି। ଏହି ଥାଳିକୁ ‘କ୍ରିକେଟ ରସ’ ମହୋତ୍ସବରେ ସାମିଲ କରାଯାଇଥିଲା। ଯାହା ଅଷ୍ଟ୍ରେଲିଆ ଏବଂ ଇଂଲଣ୍ଡ ବିପକ୍ଷରେ ଭାରତର ଚମତ୍କାର ପ୍ରଦର୍ଶନ ଥିଲା।
