ଓ୍ବାଶିଂଟନ,୪।୨ : ଆମେରିକାରେ ଚକ୍ଷୁ ସଂକ୍ରମଣ ମାମଲା ରିପୋର୍ଟ ହେବା ପରେ ସେଣ୍ଟ୍ରାଲ ଡ୍ରଗ ଷ୍ଟାଣ୍ଡାର୍ଡ କଣ୍ଟ୍ରୋଲ ଅର୍ଗାନାଇଜେଶନ (ସିଡିଏସକୋ) ଆଇ ଡ୍ରପ ଉତ୍ପାଦନ ଉପରେ ପ୍ରତିବନ୍ଧକ ଲଗାଇଛି। ଆମେରିକାର ଖାଦ୍ୟ ଏବଂ ଔଷଧ ପ୍ରଶାସନ ମଧ୍ୟ ଏନେଇ ତଦନ୍ତ ଆରମ୍ଭ କରିଛି।
ଆମେରିକାର ଏଫଡିଏ ଲୋକମାନଙ୍କୁ ଆଇଡ୍ରପ ଆଜେରିକାୟର କିଣିବାକୁ ବାରଣ କରିଛି। ସିଡିଏସକୋ ସହିତ ତାମିଲନାଡୁ ରାଜ୍ୟ ଡ୍ରଗ କଣ୍ଟ୍ରୋଲର ମଧ୍ୟ ଏହି ଘଟଣାର ତଦନ୍ତ ଆରମ୍ଭ କରିଛି।
ସିଡିଏସକୋ ସହିତ ତାମିଲନାଡୁ ରାଜ୍ୟ ଡ୍ରଗ କଣ୍ଟ୍ରୋଲରର ଦଳ ଚେନ୍ନାଇରେ ଅବସ୍ଥିତ ଗ୍ଲୋବାଲ ଫାର୍ମା ପିଭି ହେଲଥ କେୟାର ଲିମିଟେଡ କମ୍ପାନୀର ପ୍ଲାଣ୍ଟରେ ପହଞ୍ଚିଛନ୍ତି। କମ୍ପାନୀ ଆମେରିକା ସମେତ ଅନ୍ୟାନ୍ୟ ଦେଶକୁ ଆଇଡ୍ରପ ରପ୍ତାନି କରେ, କିନ୍ତୁ ଏହି ଆଇଡ୍ରପ ଭାରତରେ ବିକ୍ରି ହୁଏ ନାହିଁ । ଗ୍ଲୋବାଲ ଫାର୍ମା କମ୍ପାନୀର ଅନ୍ୟ ଔଷଧ ଆମଦାନୀ ଉପରେ ଆମେରିକା ନିଷେଧ କରିଛି। ଆମେରିକା ଗ୍ରାହକ ତଥା ଡାକ୍ତରମାନଙ୍କୁ ଏହି ଆଇଡ୍ରପ ନ ଲେଖିବା ପାଇଁ ନିର୍ଦ୍ଦେଶନାମା ଜାରି କରିଛି ଏବଂ ଆଖିରେ ବ୍ୟାକ୍ଟେରିଆ ସଂକ୍ରମଣ ଯୋଗୁ ଏହାର ବ୍ୟବହାର ଉପରେ ପ୍ରତିବନ୍ଧକ ଲଗାଇଛି।
ଆମେରିକାର ୧୨ ଟି ରାଜ୍ୟରେ ୫୫ ଜଣଙ୍କର ଆଜେରିକାୟର ଆଇଡ୍ରପ୍ସ ଯୋଗୁ ସଂକ୍ରମଣ ହୋଇଥିବା ଜଣାଯାଇଛି। ସେମାନଙ୍କ ମଧ୍ୟରୁ ଜଣଙ୍କର ମୃତୁ ଘଟିଛି। କିଛି ଲୋକ ସବୁଦିନ ପାଇଁ ଦୃଷ୍ଟିଶକ୍ତି ହରାଇଛନ୍ତି ।
