ନୂଆଦିଲ୍ଲୀ,୧୩।୪: ଗତ କିଛି ମାସ ହେବ ଦେଶର ଖୁଚୁରା ମୁଦ୍ରାସ୍ଫୀତି ହାରରେ ପରିବର୍ତ୍ତନ ଘଟୁଛି। ଏପରିକି ୨୦୨୩ ମାର୍ଚ୍ଚରେ ମଧ୍ୟ ଖୁଚୁରା ମୁଦ୍ରାସ୍ପୀତି ହାର ହ୍ରାସ ପାଇ ୫.୬୬% ରେ ରହିଛି। ଫଳରେ ଖୁଚୁରା ମୁଦ୍ରାସ୍ଫୀତି ଗତ ୧୫ ମାସର ସର୍ବନିମ୍ନ ସ୍ତରକୁ ଖସିଆସିଛି ବୋଲି ବୁଧବାର ନ୍ୟାଶନାଲ ଷ୍ଟାଷ୍ଟିଟିକାଲ ଅଫିସ (ଏନ୍ଏସ୍ଓ) ପକ୍ଷରୁ ବିସ୍ତୃତ ସୂଚନା ଦିଆଯାଇଛି। ସେହିଭଳି ଏନ୍ଏସ୍ଓ ପକ୍ଷରୁ ମିଳିଥିବା ସୂଚନା ଅନୁଯାୟୀ ୨୦୨୩ ମାର୍ଚ୍ଚରେ ଦେଶର ଖୁଚୁରା ମୁଦ୍ରାସ୍ଫୀତି ହାର ୫.୬୬% କୁ ଖସିଆସିଥିବା ବେଳେ ୨୦୨୩ ଫେବୃୟାରୀରେ ୬.୪୪% ରହିଥିଲା। ସେହିପରି ୨୦୨୨ ମାର୍ଚ୍ଚରେ ଖୁଚୁରା ମୁଦ୍ରାସ୍ଫୀତି ହାର ୬.୯୫% ରହିଥିଲା। ଏନ୍ଏସ୍ଓର ସୂଚନା ଅନୁଯାୟୀ ଖାଦ୍ୟ ମୁଦ୍ରାସ୍ଫୀତି ହାର ୨୦୨୩ ମାର୍ଚ୍ଚରେ ୪.୭୯% ରହିଥିଲା ଯେତେବେଳେ କି ୨୦୨୩ ଫେବୃୟାରୀରେ ଏହାର ହାର ୬.୯୫% ଏବଂ ବର୍ଷକ ପୂର୍ବେ ଏହାର ହାର ୭.୬୮% ଥିଲା। ତେବେ ଏନ୍ଏସ୍ଓ ପକ୍ଷରୁ ଜାରି ତଥ୍ୟ ଅନୁଯାୟୀ, ଖାଦ୍ୟପେୟ ସାମଗ୍ରୀର ଦର କମିବା କାରଣରୁ ଖୁଚୁରା ମୁଦ୍ରାସ୍ଫୀତିରେ ହ୍ରାସ ଦେଖାଦେଇଛି।
ଏହି ସମୟ ମଧ୍ୟରେ ଇଣ୍ଡେକ୍ସ ଅଫ୍ ଇଣ୍ଡଷ୍ଟ୍ରିଆଲ୍ ପ୍ରଡକ୍ସନ(ଆଇଆଇପି) ମାଧ୍ୟମରେ ମାପ କରାଯାଉଥିବା କାରଖାନା ଉତ୍ପାଦନ ୨୦୨୩ ଫେବୃୟାରୀରେ ୫.୬%କୁ ବୃଦ୍ଧି ପାଇଛି। ଏପରିକି ୨୦୨୩ ଜାନୁୟାରୀରେ ଏହାର ହାର ୫.୫% ରହିଥିଲା। ବିଶେଷ କରି ଖଣିରେ ଏକ ଅନୁକୂଳ ଆଧାର ପ୍ରଭାବ ଏବଂ ଉତ୍ପାଦନ ଅଭିବୃଦ୍ଧି ୪.୬% ରହିଥିଲା ବେଳେ ଉତ୍ପାଦନ ୫.୩% ଏବଂ ବିଦ୍ୟୁତ୍ ୮.୨%ରେ ପହଞ୍ଚତ୍ଛି। ସେହିଭଳି ୨୦୨୩ ମାର୍ଚ୍ଚ ମାସରେ ଖାଦ୍ୟ ମୁଦ୍ରାସ୍ଫୀତି ହାର ୪.୭୯% ରେ ରହିଛି। ୨୦୨୩ ଫେବୃୟାରୀରେ ଏହାର ହାର ୫.୯୫% ରହିଥିଲା।
