ନଭେମ୍ବର ମାସରେ ହ୍ରାସ ପାଇଲା ଦରଦାମ୍: ୬% ତଳକୁ ଖସିଲା ଖୁଚୁରା ମୁଦ୍ରାସ୍ଫିତି

ନୂଆଦିଲ୍ଲୀ,୧୨।୧୨: ନଭେମ୍ବର ମାସରେ ହ୍ରାସ ପାଇଲା ମୁଦ୍ରାସ୍ଫିତି। ରିଜର୍ଭ ବ୍ୟାଙ୍କ ପକ୍ଷରୁ ଧାର୍ଯ୍ୟ ୬% ତଳେ ଦରଦାମ୍। ଗୁରୁବାର କେନ୍ଦ୍ର ସରକାରଙ୍କ ଦ୍ୱାରା ଜାରି କରାଯାଇଥିବା ତଥ୍ୟ ଅନୁଯାୟୀ ନଭେମ୍ବର ମାସରେ ଖୁଚୁରା ମୁଦ୍ରାସ୍ଫିତି ୫.୪୮% ରହିଛି। ଯାହା ଅକ୍ଟୋବର ମାସରେ ୬.୨୧% ରହିଥିଲା। ଫଳରେ ରିଜର୍ଭ ବ୍ୟାଙ୍କର ଆସନ୍ତା ମନିଟାରି ପଲିସି ରିଭ୍ୟୁ ବୈଠକରେ ସୁଧହାର ହ୍ରାସ କରିବାର ସମ୍ଭାବନା ରହିଛି।

ନଭେମ୍ବର ମାସରେ ଖାଦ୍ୟ ମୁଦ୍ରାସ୍ଫିତି ୧୦.୮୭% ରୁ ୯.୦୪%କୁ ହ୍ରାସ ପାଇଛି। ଫଳରେ ଖାଉଟିଙ୍କୁ ମହଙ୍ଗା ମାଡରୁ ସାମାନ୍ୟ ଆଶ୍ବସ୍ତି ମିଳିଛି। କାରଣ ଲୋକମାନଙ୍କର ପ୍ରାୟ ଅଧା ଜିନିଷ ପନିପରିବା ରହିଥାଏ।

ଖାଦ୍ୟ ମୂଲ୍ୟରେ ହ୍ରାସ ହେତୁ ଚାହିଦା ହ୍ରାସ ହେବାର ବିଳମ୍ବିତ ପ୍ରଭାବ ସହିତ ଖାଦ୍ୟ ମୂଲ୍ୟରେ ହ୍ରାସ ହେବାର ଧାରା ଡିସେମ୍ବର ମାସରେ ଗ୍ରାହକ ମୂଲ୍ୟ ସୂଚକାଙ୍କ (ସିପିଆଇ) ୫% ତଳକୁ ଖସିବାରେ ସାହାଯ୍ୟ କରିବ ବୋଲି ଆଶା କରାଯାଉଛି।

ବିଶେଷଜ୍ଞ କହିଛନ୍ତି ଯେ ଫେବୃଆରୀରେ ହେବାକୁ ଥିବା ଏମପିସି ବୈଠକରେ ସୁଧ ହାର ୨୫ ବେସିସ ପଏଣ୍ଟ ହ୍ରାସ ହେବ ବୋଲି ଆଶା କରୁଛନ୍ତି।

ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଚଳିତ ମାସ ଆରମ୍ଭରେ ସୁଧ ହାରକୁ ଅପରିବର୍ତ୍ତିତ ରଖିଥିଲା, କିନ୍ତୁ ନଗଦ ରିଜର୍ଭ ଅନୁପାତକୁ ହ୍ରାସ କରିଥିଲା ​​ଯାହା ମୁଦ୍ରା ସ୍ଥିତିକୁ ସୁଗମ କରିବା ତଥା ଅଭିବୃଦ୍ଧିକୁ ସମର୍ଥନ କରିବା ପାଇଁ ବ୍ୟାଙ୍କଗୁଡିକ ଆବଶ୍ୟକ କରନ୍ତି।