ନୂଆପଡ଼ା ଅଫିସ,୨୬।୧୨:ନୂଆପଡା ଜିଲା ବୋଡେନ ବ୍ଲକ ଅନ୍ତର୍ଗତ ଡମଝର ପଞ୍ଚାୟତ ରୁଣିବସା ଗାଁର ଜଣେ ଅବସରପ୍ରାପ୍ତ ଶିକ୍ଷକ ଛାତ୍ରୀଛାତ୍ରମାନଙ୍କୁ ମାଗଣାରେ ଶିକ୍ଷାଦାନ କରୁଛନ୍ତି। ରୁଣିବସା ଗାଁର ବିଦ୍ୟା ସାଗର ବେହେରା ଶିକ୍ଷକତାରୁ ଅବସର ନେବା ପରେ ମଧ୍ୟ ଛାତ୍ରୀଛାତ୍ରଙ୍କ ଉଜ୍ୱଳ ଭବିଷ୍ୟତ ପାଇଁ ଶିକ୍ଷାଦାନ କରି ଆସୁଛନ୍ତି। ଗାଁରେ ଜଗନ୍ନାଥ ଶିକ୍ଷା କେନ୍ଦ୍ର ନାମରେ ଏକ ଶିକ୍ଷା କେନ୍ଦ୍ର ଖୋଲି ୨୨ ବର୍ଷ ହେଲା ପ୍ରତିଦିନ ଗାଁ ବା ଅଞ୍ଚଳର ପ୍ରଥମରୁ ପଞ୍ଚମ ଶ୍ରେଣୀ ପିଲାମାନଙ୍କୁ ମାଗଣାରେ ଶିକ୍ଷାଦାନ କରୁଛନ୍ତି। ପ୍ରତିଦିନ ସକାଳ ୭ରୁ ୮.୩୦ ପର୍ଯ୍ୟନ୍ତ ଓ ସନ୍ଧ୍ୟା ୫ରୁ ୬.୩୦ ପର୍ଯ୍ୟନ୍ତ ଦେଢ ଘଣ୍ଟା ଶିକ୍ଷାଦାନ କରନ୍ତି। ଖାଲି ଶିକ୍ଷାଦାନ ନୁହେଁ ପିଲାମାନଙ୍କୁ ପାଠ୍ୟ ପୁସ୍ତକ ଉପକରଣ ମାଗଣାରେ ପ୍ରଦାନ କରୁଛନ୍ତି। ଅବସର ପ୍ରାପ୍ତ ଶିକ୍ଷକଙ୍କ କାର୍ଯ୍ୟରେ ଖୁସିବ୍ୟକ୍ତ କରି ପୂର୍ବତନ ସରପଞ୍ଚ ପୂର୍ଣ୍ଣଚନ୍ଦ୍ର ବେହେରା ଓ ଖଗେଶ୍ୱର ତାଣ୍ଡି ଛାତ୍ରୀଛାତ୍ରମାନଙ୍କୁ ମାଗଣାରେ ପାଠ୍ୟ ପୁସ୍ତକ ଓ ପଠନ ଉପକରଣ ପ୍ରଦାନ କରିଛନ୍ତି। ଅବସର ପ୍ରାପ୍ତ ଶିକ୍ଷକ ବେହେରାଙ୍କ ଏହି ମହତ୍ନ କାର୍ଯ୍ୟକୁ ଲୋକେ ପ୍ରଶଂସା କରୁଛନ୍ତି।