ନୂଆଦିଲ୍ଲୀ,୧୨।୮: ସରକାର ଏବଂ ଶିଳ୍ପଜଗତ ମଧ୍ୟରେ ଉତ୍ତମ ସହଯୋଗ ଦେଶବାସୀ ବର୍ତ୍ତମାନ ଦେଖିବାକୁ ପାଉଛନ୍ତି। ମହାମାରୀ ସମୟରେ ଶିଳ୍ପଜଗତ ଆଗେଇ ଆସିବା ସହ ମାସ୍କଠାରୁ ମେଡିକାଲ ଅକ୍ସିଜେନ ଯୋଗାଣ ଦ୍ୱାରା ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସିଆଇଆଇର ଏକ କାର୍ଯ୍ୟକ୍ରମରେ ଏହା କହିଛନ୍ତି। ସେ କହିଛନ୍ତି, ଦେଶର ଅଭିବୃଦ୍ଧି କ୍ଷେତ୍ରରେ ଶିଳ୍ପଜଗତ ଏକ ପ୍ରମୁଖ ଭାଗୀଦାର ରହିଆସିଛି। ଶିଳ୍ପଜଗତର ଉଦ୍ୟମ ଦ୍ୱାରା ଅର୍ଥ ବ୍ୟବସ୍ଥା ପୁଣି ଥରେ ଛିଡ଼ାହେବାକୁ ଚେଷ୍ଟା କରୁଛି। କୌଣସି କମ୍ପାନୀ ଭାରତ ଭିତ୍ତିକ ନ ହେଉ ପଛେ କିନ୍ତୁ ଭାରତରେ ସାମଗ୍ରୀ ପ୍ରସ୍ତୁତ ହେଉ। ନିବେଶ ବୃଦ୍ଧି ସହ ନୂଆ ପୃଥିବୀ ଲାଗି ଭାରତ ନୂତନ ଭାବେ ଯୋଗଦାନ ରଖୁ। ଭାରତ ଡୁଇଁ ବିଜ୍ନେସ୍ ର଼୍ୟାଙ୍କିଙ୍ଗ୍ରେ ବେଶ୍ ଭଲ ପ୍ରଦର୍ଶନ କରିଛୁ। ସ୍ଥିତି ବର୍ତ୍ତମାନ ଦ୍ରୁତ ଭାବେ ପରିବର୍ତ୍ତନ ହେଉଥିବା ମୋଦି ମତ ପ୍ରକାଶ କରିଛନ୍ତି। ସରକାର ରେଟ୍ରୋସ୍ପେକ୍ଟିଭ (ପୂର୍ବ ପ୍ରଭାବୀ) ଟିକସ ହଟାଇବା ଦିଗରେ କାର୍ଯ୍ୟକ୍ରମ ହାତକୁ ନେଇଛନ୍ତି। ଏହାଦ୍ୱାରା ନିବେଶକମାନେ ଲାଭବାନ ହେବା ସହ ସେମାନଙ୍କ ଆତ୍ମବିଶ୍ୱାସ ବଢ଼ାଇବା ଦିଗରେ ଏଭଳି ପଦକ୍ଷେପ ସହାୟକ ହେବ ବୋଲି ମୋଦି ଆଶାବାଦୀ ଥିବା କହିଛନ୍ତି।