ଭାରତର କିମ୍ବଦନ୍ତୀ କ୍ରିକେଟର୍ ମହେନ୍ଦ୍ର ସିଂ ଧୋନୀଙ୍କ ବ୍ୟକ୍ତିଗତ ଜୀବନ ବିଷୟରେ ପ୍ରଶଂସକଙ୍କ ବିଷୟରେ ଜାଣିବାକୁ ଇଚ୍ଛା କରନ୍ତି। ତାଙ୍କ ଜୀବନୀକୁ ନେଇ ଏକ ଫିଲ୍ମ ମଧ୍ୟ ତିଆରି କରାଯାଇଛି ଯାହା ସୁପରହିଟ ହୋଇଥିଲା। ତାଙ୍କ ଅଧିନାୟକତ୍ୱରେ ଭାରତ ବିଶ୍ୱକପ ଜିତିଥିଲା। ଏକ ସାକ୍ଷାତକାରରେ ଧୋନୀ ତାଙ୍କ ପ୍ରଥମ ଗର୍ଲଫ୍ରେଣ୍ଡର ନାମ ପ୍ରକାଶ କରିଥିଲେ। କେବଳ ଏତିକି ନୁହେଁ, ନାଁି ପ୍ରକାଶ କରିବା ପରେ କହିଥିଲେ ଦୟାକରି ତାଙ୍କ ସ୍ତ୍ରୀଙ୍କୁ ଏ ବିଷୟରେ ଜଣାଇବେ ନାହିଁ। ଏହି ସାକ୍ଷାତକାରବେଳେ ତାଙ୍କ ଆଇପିଏଲ ଦଳର ଚେନ୍ନାଇ ସୁପର କିଙ୍ଗ୍ସର କିଛି ଖେଳାଳି ମଧ୍ୟ ଉପସ୍ଥିତ ଅଛନ୍ତି। ଏଥିରେ ସୁରେଶ ରାଇନା, ରବିନ୍ଦ୍ର ଜାଡେଜା ଏବଂ ସଚିନ ୱାଟସନ ଅନ୍ତର୍ଭୁକ୍ତ। ଏହି ସାକ୍ଷାତକାରବେଳେ ହୋଷ୍ଟ ତାଙ୍କୁ ପଚାରିଥିରେ କି ସେ କାହାକୁ କେବେ ହୃଦୟ ଦେଇଥିଛନ୍ତି କି, ଜବାବରେ ଧୋନୀ ଟିକେ ଲାଜେଇ ହଁ କହିଥିଲେ। ନା’ ପଚରାଯିବାରୁ ଧୋନୀ ଏକ କାଗଜରେ ସ୍ବାତୀ ଲେଖିଦେଇଥିଲେ। ଏହାର ତୁରନ୍ତ ପରେ ସେ କହିଥିଲେ ଏକଥା ମୋ ସ୍ତ୍ରୀଙ୍କୁ କହିବ ନାହିଁ।
ଆଇପିଏଲର ୧୪ତମ ସିଜିନ ସ୍ଥଗିତ ରଖିବା ପରେ ଧୋନୀ ରାଞ୍ଚିରେ ଥିବା ନିଜ ଘରକୁ ଫେରି ପରିବାର ସହ ସମୟ ବିତାଉଛନ୍ତି। ଆଇପିଏଲରେ ଖେଳୁଥିବାବେଳେ ତାଙ୍କ ପିତାମାତା କରୋନା ସଂକ୍ରମିତ ହୋଇଥିଲେ।
୩୯ ବର୍ଷୀୟ ଧୋନୀ ତାଙ୍କ କ୍ୟାରିୟରରେ ୯୦ଟି ଟେଷ୍ଟ, ୩୫୦ଟି ଏକଦିବସୀୟ ଏବଂ ୯୮ ଟି -୨୦ ଅନ୍ତର୍ଜାତୀୟ ଖେଳିଥିଲେ। ସେ ଟେଷ୍ଟରେ ୪୮୭୬ ରନ, ୧୦୭୭୩ ଏକଦିବସୀୟ ଏବଂ ଟି -୨୦ ଇଣ୍ଟରନ୍ୟାସନାଲରେ ୧୬୧୭ ରନ କରିଛନ୍ତି। ଧୋନୀ ଟେଷ୍ଟରେ ୬ ଟି ଏବଂ ଏକଦିବସୀୟରେ ୧୦ଟି ଶତକ ହାସଲ କରିଛନ୍ତି। ଏକଦିବସୀୟରେ ତାଙ୍କ ନାମ ୭୩ ଅର୍ଦ୍ଧଶତକ ରେକର୍ଡ କରାଯାଇଛି ସେ ଗତ ବର୍ଷ ୧୫ ଅଗଷ୍ଟରେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ।
