ବାଲିଆ,୧୫ା୫: ଜଗତ୍ସିଂହପୁର ଜିଲା ବିରିଡି ବ୍ଲକ ଅନ୍ତର୍ଗତ କୂଳକଇଜଙ୍ଗା ଗ୍ରାମର ସାଇସମୀକ୍ଷା ସ୍ବାଇଁ (୮) ଇଣ୍ଡିଆ ବୁକ୍ ଅଫ୍ ରେକଡର୍ସରେ ସ୍ଥାନ ପାଇଛନ୍ତି। ୪ ମିିନିଟ ୨୦ ସେକେଣ୍ଡରେ ୨୮ଟି ହିନ୍ଦୀ ଦେଶାତ୍ମବୋଧକ ଗୀତ ଗାଇ ସେ ଏହି ଗୌରବ ହାସଲ କରିଛନ୍ତି। ୧୫ ପୃଷ୍ଠା ସମ୍ବଳିତ ୨୮ଟି ଗୀତକୁ ନିର୍ଦ୍ଧାରିତ ସମୟ ଅର୍ଥାତ୍ ୫ ମିନିଟ ପୂର୍ବରୁ ସେ ଗାଇ ଶେଷ କରିଛନ୍ତି। ଭବିଷ୍ୟତରେ ଗିନିଜ ବୁକ ଅଫ ୱାର୍ଲ୍ଡ୍ ରେକର୍ଡରେ ସ୍ଥାନ ପାଇବାକୁ ଉଦ୍ୟମ ଜାରି ରଖିଛନ୍ତି ବୋଲି ସାଇ ସମୀକ୍ଷା କହିଛନ୍ତି। ପୂର୍ବରୁ ସେ ବିଭିନ୍ନ ରାଜ୍ୟ ଓ ଜାତୀୟସ୍ତରୀୟ ପ୍ରତିଯୋଗିତାରେ ଭାଗ ନେଇ ୨୦୦ରୁ ଊର୍ଦ୍ଧ୍ୱ ପୁରସ୍କାର ପାଇଛନ୍ତି। ଏହି ସଫଳତାର ଶ୍ରେୟ ସେ ମା’ଓ ବାପାଙ୍କୁ ଦେଇଛନ୍ତି। ତାଙ୍କର ଏହି ସଫଳତା ପାଇଁ ବାପା ଜନରଞ୍ଜନ ସ୍ବାଇଁ ଏବଂ ମା’ ଶୁଭସ୍ମିତା ସ୍ବାଇଁ ଖୁସିବ୍ୟକ୍ତ କରିଛନ୍ତି।