ଦେବଗଡ, ୬।୧୨(ଡ଼ି.ଏନ୍.ଏ.)- କୋଭିଡ଼୍-୧୯ ନିୟମକୁ ଦୃଷ୍ଟିରେ ରଖି କରୋନା ସଂକ୍ରମଣ ପ୍ରତିହତ ପାଇଁ ଦେବଗଡ ଆରକ୍ଷୀ ଅଧିକ୍ଷକ ମନୋଜ ମହାନ୍ତଙ୍କ ନିର୍ଦ୍ଦେଶ କ୍ରମେ ଜାତୀୟ ରାଜପଥ ତଥା ଅନ୍ୟ ରାସ୍ତାରେ ଯାନବାହାନକୁ କଡାକଡି ଯାଞ୍ଚ କରାଯାଊଛି। ଗତ ୨୪ ଘଣ୍ଟ ମଧ୍ୟରେ ୩୦ ହଜାର ଟଙ୍କ ଜରିମାନା ଆଦାୟ କରାଯିବା ସହ ୧୩ ଜଣ ନିୟମ ଉଲଂଘନକାରୀଙ୍କ ଡ୍ରାଇଭିଂ ଲାଇସେନ୍ସ ରଦ୍ଧ କରା ଯାଇଥିବା ଦେବଗଡ ଥାନା ଅଧିକାରୀ ପ୍ରଶାନ୍ତ କୁମାର ପାତ୍ର ସୂଚନା ଦେଇଛନ୍ତି। ଡ଼ିସେମ୍ବର ପହିଲାରୁ ଟ୍ରାଫିକ ନିୟମ କଡାକଡି ପାଳନ ପାଇଁ ବହୁ ସଚେତନତା ପରେ ମଧ୍ୟ କେତେକ ଅମାନିଆ ଟ୍ରାଫିକ ନିୟମ ପାଳନ କରୁ ନ ଥିବାରୁ ଏହାକୁ ରୋକିବା ପାଇଁ ପୋଲିସ୍ ପକ୍ଷରୁ ହେଲମେଟ୍, ଗାଡିର କାଗଜ ପତ୍ର ,ସିଟ ବେଲ୍ଟ ଏବଂ କରୋନା ସଂକ୍ରମଣକୁ ଦୃଷ୍ଟିରେ ରଖି ମାକ୍ସ ପିନ୍ଧିବା ଆଦିକୁ କଡାକଡି ଯାଞ୍ଚ କରଯାଉଛି ା