ବମ୍ବେ: ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଆତ୍ମହତ୍ୟା ନା ହତ୍ୟା, ତାହା ଏବେ ବି ସନ୍ଦେହ ଘେରରେ। ପ୍ରଥମେ ଏହା ଆତ୍ମହତ୍ୟା କୁହାଯାଉଥିବା ବେଳେ ଏବେ ଏହା ହତ୍ୟା ଦିଗକୁ ଯାଉଥିବା ନଜର ଆସୁଛି। ଏସବୁ ମଧ୍ୟରେ ଛନ୍ଦି ହେଉଛନ୍ତି ପ୍ରେମିକା ରିୟା ଚର୍କବର୍ତ୍ତୀ। ଘଟଣାର ତଦନ୍ତ ଭାର ସିବିଆଇ ନେବା ପରେ ବିଭିନ୍ନ ଦିଗକୁ ନେଇ ଯାଞ୍ଚ ହେଉଛି। ଏପରିସ୍ଥଳେ ଏବେ ଆଉ ଏକ ନୂଆ ଖୁଲାସା ହୋଇଛି। ତାହା ହେଲା ଡ୍ରଗ୍ସର।
ରିୟା ଏବଂ ସୁଶାନ୍ତଙ୍କ ପୂର୍ବ ମ୍ୟାନେଜର ଶ୍ରୁତି ମୋଦିଙ୍କ ଚାଟ୍ ଭାଇରାଲ ହେଉଛି। ଏଥିରେ ଶ୍ରୁତି ଲେଖିଛନ୍ତି, ସେ ଆଜି ସକାଳେ କାନ୍ଦୁଥିଲା। ସେ ସିଦ୍ଧୁଙ୍କୁ ମଧ୍ୟ ଘରକୁ ଯିବାକୁ କହିଥିଲେ। ଯଦି ତାଙ୍କୁ ଡିଆଇଡି ହୋଇଛି ତେବେ ଡାକ୍ତରଙ୍କୁ କହି ଠିକ୍ ଔଷଧ ନିଅ। ସେ କହୁଥିଲେ ତୁମେମାନେ ତାର ଯତ୍ନ ନେଉଛ। ଔଷଧ ଦେଉଛ। ଏହାସତ୍ତ୍ୱେ ସେ ଠିକ୍ ହେଉନାହିଁ। ତାଙ୍କୁ ଗଞ୍ଜେଇ ଛାଡ଼ିବାକୁ ହେବ। କାଲିଠାରୁ ସେ ଏହାକୁ ସେବନ କରୁନଥିବା କହୁଥିଲା। ସେ କହିଲା କି ସେ ଶୋଇଲାଣି। ମୁଁ ମଧ୍ୟ ଯାଉଛି। ସକାଳେ ସାହିଲ୍ଙ୍କୁ ଆରୋଗ୍ୟନୀଧି ଯିବାକୁ ହେବ ନା? ଏହାପରେ ରିୟା ହଁ କହିଛନ୍ତି।
ଉଭୟଙ୍କ ଚାଟ ଭାଇରାଲ ହେବା ପରେ ସୁଶାନ୍ତ ନିଶା ସେବନ କରୁଥିବା ନେଇ ଚର୍ଚ୍ଚା ହେଉଛି। ଏପରିକି ରିୟା ତାଙ୍କୁ ଡ୍ରଗ୍ସ ଦେଉଥିବା ମଧ୍ୟ କୁହାଯାଉଛି। ହେଲେ ରିୟାଙ୍କ ଓକିଲ ଏହାକୁ ଖଣ୍ଡନ କରିଛନ୍ତି।