ରାଇରଙ୍ଗପୁର,୨୫ା୧୨(ଡି.ଏନ୍.ଏ.): ମୟୂରଭଞ୍ଜ ଜିଲା ବାଦାମପାହାଡ଼ ଥାନା ଅନ୍ତର୍ଗତ ଦିଘିଆବେଡ଼ା ଗ୍ରାମାଞ୍ଚଳ ନିକଟସ୍ଥ ରବିବାର ବଡ଼ଦିନ ଅବସରରେ ଏକ ଅଭାବନୀୟ ଘଟଣା ଘଟିଛି। ଉକ୍ତ ଦିଘିଆବେଡ଼ା ଗ୍ରାମ ପାର୍ଶ୍ୱ ରାସ୍ତାରେ ବୁଲାକୁକୁରଙ୍କୁ ବଞ୍ଚାଇବାକୁ ଯାଇ ଭାରସାମ୍ୟ ହରାଇ ବାଇକ୍ରୁ ଖସିପଡ଼ି ଜଣଙ୍କର ଜୀବନ ଯାଇଛି। ମୃତକ ଜଣକ ହେଲେ କୁସୁମୀ ତହସିଲ ହାଟବାଦଡ଼ା ସର୍କଲର ରାଜସ୍ବ ନିରୀକ୍ଷକ ବୀରବଲ ମାଝି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ରାଇରଙ୍ଗପୁରରେ ମୃତଦେହ ବ୍ୟବଚ୍ଛେଦ କରାଇ ପରିବାର ଲୋକଙ୍କୁ ହସ୍ତାନ୍ତର କରିଛି। ପୋଲିସ ପକ୍ଷରୁ ଏନେଇ ୧୪୫/୨୨ରେ ଏକ ମାମଲା ରୁଜୁ କରାଯାଇ ତଦନ୍ତ ଚାଲିଛି।