ମୁମ୍ବାଇ, ୧୯ା୮ : ଅଭିନେତା ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାକୁ ନେଇ ଖୋଳତାଡ ଚାଲିଥିବାବେଳେ ଶିବସେନା ନେତା ତଥା ମହାରାଷ୍ଟ୍ର କ୍ୟାବିନେଟ ମନ୍ତ୍ରୀ ଆଦିତ୍ୟ ଠାକ୍ରେଙ୍କ ସହ କେବେ ବି ସାକ୍ଷାତ ଆଲୋଚନା ହୋଇନାହିଁ ବୋଲି ଅଭିନେତ୍ରୀ ରିଆ ଚକ୍ରବର୍ତ୍ତୀ ଓକିଲ ସତୀଶ ମାନସିନ୍ଦେଙ୍କ ମାଧ୍ୟମରେ ଦର୍ଶାଇଛନ୍ତି। ଆଦିତ୍ୟଙ୍କ ସହ ଟେଲିଫୋନ ଯୋଗେ ମଧ୍ୟ ରିଆ କଥା ହୋଇ ନ ଥିବା ସେ ପ୍ରକାଶ କରିଛନ୍ତି। ବିହାର ନିର୍ବାଚନକୁ ଆଖିଆଗରେ ରଖି ଏହାକୁ ରାଜନୈତିକ ରୂପ ଦିଆଯାଉଛି। ଆଦିତ୍ୟଙ୍କ ସହ କିଛି ସମ୍ପର୍କ ନ ଥିବାବେଳେ ରାଜନୈତିକ ଫାଇଦା ଉଠାଇବା ଲାଗି ଏଭଳି ପ୍ରୟାସ କରାଯାଉଛି ବୋଲି ମାନସିନ୍ଦେ ଅଭିଯୋଗ କରିଛନ୍ତି। ସୁପ୍ରିମକୋର୍ଟରେ ସୁଶାନ୍ତ ସିଂ ମୃତ୍ୟୁ ମାମଲାର ସିବିଆଇ ତଦନ୍ତ ନେଇ ବୁଧବାର ଶୁଣାଣି ହେବ।