ଆଜି ଆମେ ଆପଣଙ୍କୁ ଦୁନିଆର ସବୁଠାରୁ ଧନୀ ପରିବାର ସହିତ ପରିଚିତ କରାଇବାକୁ ଯାଉଛୁ। ଯାହାଙ୍କ ପାଖେ ଅପାର ଧନ ଅଛି । ଏହି ପରିବାର ପାଖରେ ପ୍ରାୟ ୪୦୦୦କୋଟି ଟଙ୍କାର ମହଲ, ୭୦୦ କାର୍ ଏବଂ ୮ ଟି ଘରୋଇ ଜେଟ୍ ରହିଛି। ଏହା ବ୍ୟତୀତ ଏହି ପରିବାର ବିଶ୍ୱର ମୋଟ ଅଶୋଧିତ ତୈଳ ଭଣ୍ଡାରର ୬ ପ୍ରତିଶତ ମାଲିକ ଅଟନ୍ତି । ଏହା ବ୍ୟତୀତ ମଞ୍ଚେଷ୍ଟର ସିଟି ଫୁଟବଲ କ୍ଲବ ମଧ୍ୟ ତାଙ୍କର ସମ୍ପତ୍ତି। ଏହା ବ୍ୟତୀତ ପ୍ରସିଦ୍ଧ ଗାୟକ ରିହାନାଙ୍କ ବିୟୁଟି ବ୍ରାଣ୍ଡ ଫେଣ୍ଟି ଏବଂ ଏଲୋନ ମସ୍କର ସ୍ପେସ ଏକ୍ସ ସହିତ ତାଙ୍କର ସହଭାଗିତା ଅଛ। ଆମେ ଦୁବାଇର ପ୍ରସିଦ୍ଧ ଅଲ ନାହୟାନ ରାଜ ପରିବାର ବିଷୟରେ କହୁଛୁ। ଆସନ୍ତୁ ସେମାନଙ୍କ ବିଷୟରେ ଏଠାରେ ଅଧିକ ଜାଣିବା…
ରିପୋର୍ଟ ଅନୁଯାୟୀ, ଦୁବାଇର ଅଲ ନାହୟାନ ପରିବାରର ଘର ଆମେରିକାର ପେଣ୍ଟାଗନ ଅପେକ୍ଷା ତିନି ଗୁଣ ବଡ଼। ଏହାର ମୂଲ୍ୟ ୪୦୭୮ କୋଟି ଟଙ୍କା ବୋଲି ଆକଳନ କରାଯାଇଛି। ୟୁଏଇର ରାଷ୍ଟ୍ରପତି ଶେଖ ମହମ୍ମଦ ବିନ ଜାଏଦ ଅଲ ନାହୟାନ ଏହି ପରିବାରର ମୁଖ୍ୟ ଅଟନ୍ତି। ତାଙ୍କର ୧୮ ଭାଇ ଏବଂ ୧୧ ଭଉଣୀ ଅଛନ୍ତି। ସେମାନଙ୍କର ୯ ସନ୍ତାନ ଅଛନ୍ତି । ଆବୁଧାବିର ଶାସକଙ୍କ ସାନଭାଇ ଶେଖ ହମଦ ବିନ ହମଦାନ ଅଲ ନାହୟାନଙ୍କର ପ୍ରାୟ ୭୦୦ କାର୍ ଅଛି।
ଏହି ପରିବାର ଆବୁଧାବିର ଅଲ ୱତନ ରାଷ୍ଟ୍ରପତି ଭବନରେ ରୁହନ୍ତି। ୟୁଏଇରେ ତାଙ୍କର ଅନେକ ପ୍ରାସାଦ ଅଛ। ଅଲ ୱତନ ପ୍ରାୟ ୯୪ ଏକର ଉପରେ ବ୍ୟାପିଛି । ଦୁନିଆର ସବୁଠୁ ଦାମୀ ଜିନିଷ ଏହି ଘରେ ସ୍ଥାପିତ ହୋଇଛି। ରାଷ୍ଟ୍ରପତିଙ୍କ ଭାଇ ତହନୁନ ବିନ ଜାଏଦ ଅଲ ନାହୟାନ ପରିବାରର ନିବେଶ କମ୍ପାନୀ ପରିଚାଳନା କରନ୍ତି। ଗତ ୫ ବର୍ଷରେ ଏହାର ମୂଲ୍ୟ ପ୍ରାୟ ୨୮ହଜାର ପ୍ରତିଶତ ବୃଦ୍ଧି ପାଇଛି । ଏହାର ମୂଲ୍ୟ ପ୍ରାୟ ୨୩୫ ବିଲିୟନ ଡଲାର ବୋଲି କୁହାଯାଉଛି। କମ୍ପାନୀର କୃଷି, ଶକ୍ତି, ମନୋରଞ୍ଜନ ଏବଂ ସାମୁଦ୍ରିକ ପରିବହନ ପରି ଅନେକ ବ୍ୟବସାୟ ଅଛି। ଏଥିରେ ହଜାର ହଜାର ଲୋକ ରୋଜଗାର ପାଇଛନ୍ତି।
