ଉପାସନା ଅଧିକାର ମନ୍ଦିର ପରିଚାଳନା କମିଟି ଦ୍ୱାରା ପ୍ରତିବନ୍ଧିତ ସାମାଜିକ ଅଧିକାର…
01 ଥିରୁଭାନନ୍ତପୁରମ୍, ୨୯।୬ : ଗୁରୁଭୟୁର ଶ୍ରୀକୃଷ୍ଣ ମନ୍ଦିରରେ ଉପାସନା ପ୍ରସଙ୍ଗରେ କେରଳ ହାଇକୋର୍ଟ କହିଛନ୍ତି ଯେ, ଉପାସନା ଅଧିକାର ମନ୍ଦିର ପରିଚାଳନା କମିଟି ଦ୍ୱାରା ପ୍ରତିବନ୍ଧିତ ସାମାଜିକ ଅଧିକାର। ଏହାକୁ କୌଣସି ବ୍ୟକ୍ତି ବିଶେଷ, ମନ୍ଦିର କମିଟି ସଦସ୍ୟ, ପ୍ରଶାସକ ଅବା ପୂର୍ବତନ ଅଧିକାରୀଙ୍କ ଦ୍ୱାରା ଉଲ୍ଲଂଘନ କରାଯାଇ ପାରିବ ନାହିଁ। ମନ୍ଦିରର ନାଲାବଲମ୍ରେ ପ୍ରବେଶ ସମ୍ପର୍କିତ ପ୍ରତିବନ୍ଧକ ପରିଚାଳନା କମିଟି ଦ୍ୱାରା ଲାଗୁ ହୋଇଛି। ଏହାକୁ କୌଣସି କ୍ଷେତ୍ରରେ ଉଲ୍ଲଂଘନ କରାଯାଇ ପାରିବ ନାହିଁ।
ବିଚାରପତି ଅନୀଲ କେ. ନରେନ୍ଦ୍ରନ୍ ଏବଂ ପି.ଜି. ଅଜିଥକୁମାରଙ୍କ ନେତୃତ୍ୱରେ ଗଠିତ ଖଣ୍ଡପୀଠ ଏହାର ବିଚାର କରି ଏଭଳି କହିଛନ୍ତି। ଶ୍ରଦ୍ଧାଳୁ ପରମ୍ପରା ଏବଂ ପରିଚାଳନା କମିଟି ଦ୍ୱାରା ଲାଗୁ ହୋଇଥିବା ପ୍ରତିବନ୍ଧକ ଆଧାରରେ ମନ୍ଦିରରେ ଉପାସନା କରିପାରିବେ।
୨୦୨୧ରେ ପରିଚାଳନା କମିଟିର ଜଣେ ପୂର୍ବତନ ପ୍ରଶାସକ ଏବଂ ୨ ଜଣ ସଦସ୍ୟ ପ୍ରତିବନ୍ଧକର ଉଲ୍ଲଂଘନ କରି ବିଶୁକାନି ଦର୍ଶନ ପାଇଁ ନାଲାବଲମ୍ରେ ପ୍ରବେଶ କରିଥିଲେ। ଏନେଇ କାର୍ଯ୍ୟ ନିର୍ବାହୀ ପ୍ରଶାସକଙ୍କ ପକ୍ଷରୁ ଏକ ଅଭିଯୋଗ ଅଣାଯାଇଥିଲା।