ନୂଆଦିଲ୍ଲୀ,୬।୩: ରିଙ୍କୁ ସିଂଙ୍କ ରୂପରେ ଭାରତ ଏପରି ବ୍ୟାଟର ପାଇଛି, ଯାହାକୁ ଭବିଷ୍ୟତର ଫିନିସର କୁହାଯାଉଛି। ଭାରତୀୟ ଦଳରେ ତାଙ୍କୁ ଦିଆଯାଇଥିବା ସୁଯୋଗର ବ୍ୟବହାର ରିଙ୍କୁ ବର୍ତ୍ତମାନ ପର୍ଯ୍ୟନ୍ତ ଭଲ କରିଛନ୍ତି। ରିଙ୍କୁ ଭାରତ ପାଇଁ ହ୍ବାଇଟ୍ ବଲ କ୍ରିକେଟ ଖେଳୁଛନ୍ତି। କିନ୍ତୁ ସେ ଟିମ ଇଣ୍ଡିଆ ପାଇଁ ମଧ୍ୟ ଟେଷ୍ଟ ଡେବ୍ୟୁ କରିବେ କି? ବାସ୍ତବରେ, ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯିବାକୁ ଥିବା ପାଞ୍ଚ ମ୍ୟାଚ ବିଶିଷ୍ଟ ଟେଷ୍ଟ ସିରିଜର ଶେଷ ମ୍ୟାଚ ମାର୍ଚ୍ଚ ୭ରୁ ଧର୍ମଶାଳାରେ ଖେଳାଯିବ, ଏହା ପୂର୍ବରୁ ରିଙ୍କୁ ସିଂଙ୍କୁ ଧର୍ମଶାଳାେରେ ଦେଖିବାକୁ ମିଳିଛି।
ଭାରତ-ଇଂଲଣ୍ଡ ଟେଷ୍ଟ ପୂର୍ବରୁ ରିଙ୍କୁ ଧର୍ମଶାଳାରେ ପହଞ୍ଚିଛନ୍ତି। ଯାହାକୁ ନେଇ ସେ ଭାରତ ପାଇଁ ଟେଷ୍ଟ ଡେବ୍ୟୁ କରିବେ ବୋଲି ଆଲୋଚନା ତୀବ୍ର ହୋଇଛଇ। କିନ୍ତୁ ଆସନ୍ତୁ ଆପଣଙ୍କୁ କହିବା ଯେ ଏହା ଆଦୌ ନୁହେଁ । ରିଙ୍କୁ ସିଂ ତାଙ୍କ ଟେଷ୍ଟରେ ଡେବ୍ୟୁ କରିବେ ନାହିଁ କିମ୍ବା ସେ ଧର୍ମଶାଳା ଟେଷ୍ଟ ପାଇଁ ଭାରତୀୟ ଦଳର ଅଂଶ ନୁହଁନ୍ତି, ବରଂ ସେ ଅନ୍ୟ କିଛି କାମ ପାଇଁ ଧର୍ମଶାଳା ଆସିଛନ୍ତି। ରିଙ୍କୁ ସିଂ ଧର୍ମଶାଳାରେ ଇଂଲଣ୍ଡର ମୁଖ୍ୟ ପ୍ରଶିକ୍ଷକ ବ୍ରେଡନ ମ୍ୟାକୁଲମଙ୍କୁ ଭେଟିଛନ୍ତି।